काठमाडौँ – राष्ट्रिय स्वतन्त्र पार्टी (रास्वपा)को दुईदिने बन्द कार्यशाला शुक्रबारबाट काठमाडौंमा सुरु भएको छ

केन्द्रीय कार्यालय वनस्थलीमा आयोजना गरिएको कार्यशालामा केन्द्रीय पदाधिकारी, सदस्य र केन्द्रीय विभाग सदस्यहरुलाई बिभिन्न ६ समूहमा बिभाजन गरि छलफल भइरहेको सह–प्रवक्ता प्रतिभा रावलले जानकारी दिइन् ।

पार्टीका पदाधिकारी तथा नेतृत्वमा रहेका सदस्यलाई रणनीतिक रुपमा क्षमता अभिवृद्धि गर्न सघन प्रशिक्षण र आगामी अभियानका लागि दुईदिने बन्द कार्यशाला आयोजना गरिएको उनले बताइन् ।

बन्द कार्यशालाबाट आएका सुझावहरुलाई पुनः छलफल गरेर निष्कर्ष निकाली पार्टीको भावी रणनीति तय गर्ने रावललेले जानकारी दिइन् ।

कार्यशालामा विचार, संगठन, मूल्य मान्यता, संसदीय मामिला, लिडरसिप एकेडेमी र क्यान्डिडेट क्लब तथा पार्टी अभियान लगाएत ६ वटा बिषयमा केन्द्रीत भएको रास्वपाले जनाएको छ ।