काठमाडौं । बालेन्द्र शाह ‘बालेन’ प्रधानमन्त्री हुँदा जेन–जीहरू भने ‘प्रतिपक्षीय’ भूमिकामा बस्ने भएका छन् ।

नेपाली कांग्रेसलगायत प्रतिपक्षी दलहरू कमजोर देखिने आकलनबीच जेन–जी विद्रोह र प्रतिनिधिसभा निर्वाचनको जनादेशअनुसार अब गठन हुने बालेन सरकारले परिणाममुखी काम गर्छ कि गर्दैन भन्दै जेन–जीहरू खबरदारी गर्न प्रतिपक्षीय भूमिकामा बस्ने जेन–जी मुभमेन्ट अलायन्समा आबद्ध रिजन राना मगरले बताए ।

उनले बालेन सरकारलाई गुण र दोषका आधारमा समर्थन र विरोध गर्ने बताए ।

‘विगतमा बालेनले गरेका राम्रा कामको समर्थन गरेका हौँ र शासकजस्तो बनेर जे–जस्ता भुुइँमान्छे विरोधी काम गरे, त्यसको विरोधमा सडकमा आएका थियौँ’, उनले भने, ‘अब पनि हामी उहाँलाई गुण र दोषका आधारमा हामीले समर्थन र विरोध गर्ने हुन्छ ।’

हालै गौरीबहादुर कार्की नेतृत्वको आयोगले जेन–जी विद्रोहको सत्य तथ्य जाँचबुझ गरी सरकारलाई बुझाएको प्रतिवेदन सार्वजनिक गर्न पनि उनले माग गरे ।

प्रतिवेदनको कार्यान्वयन हुनुपर्ने भन्दै उनले २३ भदौमा भएको घटनामा संलग्न सरकारी पदाधिकारी र २४ गते संगठित रुपमा घुसपैठ गर्नेहरूलाई कारबाही गर्नुपर्नेमा आफू स्पष्ट रहेको पनि बताए ।

उनै मगरसँग नेपालवान एचडीका लागि जङ्ग तामाङ गरेको भिडियो संवादको पूरा अंश प्रस्तुत छ :-