काठमाडौँ – राष्ट्रिय मर्यादा सम्बन्धी विधेयक, २०७९ लाई विचार गरियोस् भन्ने प्रस्तावलाई राष्ट्रियसभाले पारित गरेको छ ।

आइतबार बसेको राष्ट्रियसभाको दोस्रो बैठकमा राष्ट्रियसभा सांसद डा. बेदुराम भुसालले उक्त विधेयकलाई विचार गरियोस् भन्ने प्रस्ताव पेश गर्नुभएको थियो । त्यसअघि विधेयकमाथिको छलफलका क्रममा राष्ट्रियसभा सदस्यहरूले मुलुकका लागि योगदान दिएका व्यक्तिहरूलाई सेवा सुविधाका साथै मर्यादा कायम गर्नका लागि कानुन अपरिहार्य भएको धारणा राखेका थिए । सांसदहरूले उठाएका प्रश्नको जवाफ दिँदै भुसालले विधिको शासन व्यवस्थालाई कायम राख्न कार्यपालिकाले पनि विधिमा बाँधिएर कार्यसम्पादन गर्नका लागि ऐन नै बनाएर व्यवस्थापन गर्न खोजिएको बताउनुभयो । यसलाई परिमार्जन र समृद्धि बनाउनका लागि संशोधन र छलफल आवश्यक रहेको उहाँको भनाइ छ ।

त्यसअघि आइतबार नै बसेको राष्ट्रिय सभाको पहिलो बैठकमा सांसदहरूले विभिन्न विषयमा सरकारको ध्यानाकर्षण गराएका थिए भने बैठकको सुरुमै अध्यक्ष गणेशप्रसाद तिमिल्सिनाले बैठकको निर्धारित समयमा नेपाल सरकारका मन्त्रीहरूलाई अनिवार्य उपस्थित हुन निर्देशन दिनुभयो । राष्ट्रियसभाको अर्को बैठक चैत १६ गते बिहीबार बोलाइएको छ ।

काठमाडौँ – नेकपा एकीकृत समाजवादीका अध्यक्ष माधव कुमार नेपालले सरकारको साझा नीतिगत प्रतिबद्धताका आधारमा नयाँ सरकारले पूर्ण आकार लिने बताएका छन् ।

आइतबार संसद भवन नयाँ बानेश्वरमा सञ्चारकर्मीसँग कुरा गर्दै अध्यक्ष नेपालले अहिले सरकारको साझा नीति तथा कार्यक्रमसहितको नीतिगत प्रतिबद्धतामाथि गठबन्धनभित्र छलफल भइरहेको भन्दै त्यसैको आधारमा सरकारले पूर्ण आकार लिने बताएका हुन ।

उनले बाहिर चर्चामा आएजस्तो आफ्नो पार्टीले कुनै विशेष मन्त्रालयमा दाबी नगरेपनि मुलुकको अर्थतन्त्रलाई बुझ्ने र समस्या समाधान गर्ने व्यक्तिलाई अर्थमन्त्रालयको र देशका सामु देखिएका चुनौती र अन्तर्राष्ट्रिय परिस्थितिलाई मूल्याङ्कन गर्न सक्नेलाई परराष्ट्रको जिम्मेवारी दिनुपर्नेमा जोड रहेको धारणा राखे । अध्यक्ष नेपालले एक वा दुई मन्त्रालय आफ्नो पार्टीका लागी कम हुने समेत बताए ।

उनले पछिल्लो समय सभामुखको कार्यशैलीले आपसी विश्वास कायम नरहने भएकाले संसदको नियमावलीमा विस्तृत रूपमा छलफल गरेर टुङ्गोमा पुग्नुपर्ने जिकिर गरे ।

अर्घाखाँची – नेकपा एमालेका अध्यक्ष केपी शर्मा ओलीले नेपालमा जनताकाे सबैभन्दा धेरै माया पाउने व्यक्ति आफू भएकाे बताउनुभएकाे छ ।

पार्टीकाे मिसन ग्रासरुट अभियान अन्तर्गत आइतबार अर्घाखाँचीकाे सन्धिखर्कमा आयाेजित कार्यक्रमलाई सम्बाेधन गर्दै अध्यक्ष ओलीले जहाँ पुगेपनि आफूलाई जनताले निक्कै माया गर्ने बताउनुभयाे।

आफू र आफ्नाे पार्टी एमालेलाई जनताले निक्कै माया गर्ने गरेका उहाँले सुनाउनुभयाे । उहाँ भन्नुहुन्छ, ‘त्याे जाेसुकैले प्राप्त गर्दैन, मैले त्यसै कारण आफूलाई भाग्यमानी भन्ने गरेकाे छु, ठूला-ठूला भनेका देशहरुले लखेट्छन्, ठूला-ठूला शक्ति भनेकाले लेखट्छन्, तर जनताकाे माया सबभन्दा बढी काेही व्यक्तिले नेपालमा पाएकाे छ भने मैले पाएकाे छु, त्याे साैभाग्य मलाई मिलेकाे छ।’

अर्घाखाँचीले आफूलाई अन्यत्र जस्तै अत्यन्त माया गरेकाे भन्दै उहाँले सबैलाई धन्यवाद दिनुभयाे । अध्यक्ष ओलीले लामाे समयपछि अर्घाखाँची आएर पुराना,जेल बसेका र नयाँ साथी भेट्दा खुशी लागेकाे बताउनुभयाे ।

आफू अर्घाखाँची जिल्लाप्रति आफू सानैदेखि प्रभावित भएकाे बताउनुभएकाे छ।

काठमाडौँ – प्रतिनिधिसभाको आइतबारको बैठकमा अर्को सांसद बोलिरहेका बेला अगाडिबाट हिडेकाेमा  कांग्रेस उपसभापतिले मागे क्षमा मागेका छन् । 

सांसद बलराम अधिकारी विशेष समयमा आफ्ना धारणा राखिरहेका बेला सत्तारुढ कांग्रेसका उपसभापति तथा सांसद पूर्णबहादुर खड्का  अगाडिबाट हिडेका थिए । 

प्रतिनिधिसभा नियमावलीमा कुनै सांसद बोलिरहेको बेला अगाडिबाट हिँड्न नहुने प्रावधान छ । सभामुख र बोलिरहेको सांसदको बीचबाट हिँड्न नहुने नियमावलीको नियम खड्काबाट उल्लंघन भएको थियो ।

सांसद अधिकारीले बोलिसकेपछि एमालेका सचेतक महेश बर्तौलाले नियमापत्ति जनाउनुभयाे । उहाँले भविष्यमा अरु सांसदहरूलाई पनि काम लाग्ने तर्क गर्दै पटक-पटक हाउसमा एउटा मर्यादाविपरीत काम भइरहेको बताउनुभयाे । प्रतिनिधिसभा नियमावली, २०७५ को नियम २० (६) बमोजिम सभामुखको आसन तथा बोलिरहेको सदस्यको बीचबाट हिँड्न कोही पनि सदस्यलाई अनुमति हुँदैन । पटक-पटक यो सदनको गरिमा र मर्यादालाई धज्जी उडाउँदै यसप्रकारको काम सत्तापक्षको माननीयहरूबाट यस प्रकारको काम भइरहेको छ ।

नियमावलीको उक्त व्यवस्था कडाइका साथ पालना गराउन सचेतक बर्तौलाले सभामुखको ध्यानाकर्षण गराउनुभयाे । सभामुख देवराज घिमिरेले नियमापत्तिको विषयमा ध्यान दिन सांसदहरूलाई आग्रह गर्नुभयाे ।

एमाले सचेतक बर्तौलाको नियमापत्तिका आधारमा सभामुख घिमिरेबाट ध्यानाकर्षण भएपछि कांग्रेसका उपसभापति खड्काले आफूबाट नियम मिचिएको स्वीकार्दै क्षमा मागेका हुन्। उहाँले भन्नुभयाे – अनदेखाको कारणले माननीयले उल्लेख गर्नुभएअनुसार मैले नियमावलीको त्यो दफालाई उल्लंघन गरेँ, त्यसका लागि म क्षमा माग्न चाहन्छु ।

काठमाडौं – केन्द्रमा नयाँ समीकरणसँगै प्रदेश सरकारमा उथलपुथल देखिए पनि कोसी प्रदेशमा भने एमाले र माओवादीबीचको सहकार्य कायमै रहने देखिएकाे छ । दुईवटा प्रदेशमा मुख्यमन्त्री लिइसकेको र केहीमा साढे दुई वर्षपछि आलोपालो पाउने रोलक्रममै बसेको माओवादीले कोसीमा भने एमालेसँग मिलेरै सरकार चलाउन खेजेकाे हाे ।

माओवादी नेताहरु  अंक गणितका कारण कोसी प्रदेशमा समीकरण परिवर्तन गर्न अप्ठेरो भएको  बताउँछन् । ९३ सदस्यीय कोसी प्रदेशसभामा सबैभन्दा ठूलो दल एमाले छ । एमालेको ४०, कांग्रेसको २९, माओवादीको १३, राप्रपाको ६, एकीकृत समाजवादीको चार र जसपाको एक मत छ ।

यहाँ बहुमतको सरकार गठनका लागि ४७ सदस्य आवश्यक पर्छ । नयाँ समीकरणअनुसार सरकार बनाउन राप्रपाले साथ दिनुपर्ने हुन्छ । नभए माओवादीले सभामुख छाड्नुपर्ने हुन्छ ।

दुवै पक्षसँग स्पष्ट बहुमत नभएकोले तत्काल माओवादी केन्द्रले सरकारबाट हात झिक्न नमानेको हाे ।

लुम्बिनी र गण्डकी प्रदेश सरकारबाट समर्थन फिर्ता लिँदै बाहिरिएको माओवादी कोसी सरकारबाट भने नहट्ने भएको छ । माओवादी कोसी प्रदेश संसदीय दलका नेता इन्द्रबहादुर आङ्बोले आफ्नो पार्टीले सरकार तत्काल नछाड्ने बताएका छन् । प्रधानमन्त्री पुष्पकमल दाहाल प्रचण्डले सबै प्रदेशमा सरकार आलोपालो चल्ने घोषणा गरिसकेका छन् ।

उनकै निर्देशन मानेर लुम्बिनी र गण्डकी प्रदेशबाट माओवादी मन्त्रीहरू बाहिरिसकेका छन् । तर कोसीमा भने माअाेवादीहरु सरकार नछाड्ने मनस्थितिमा छन् ।   प्रचण्डलाई  कांग्रेस र एकीकृत समाजवादीका नेताहरूले अन्य प्रदेशमा १० दलीय गठबन्धनअनुसार चल्ने तर कोसीमा नचले ठीक नहुने भन्दै चेतावनी दिइसकेका छन् । कोसीकै कारण केन्द्रमा पनि नेताहरूबीच सम्बन्ध बिग्रिने सम्भावना  छ । कांग्रेसले  माओवादीको डबल स्ट्यान्डर्ड भूमिका भाे भन्दै आपत्ति जनाएइरहेको छ ।

काठमाडौँ – राष्ट्रिय स्वतन्त्र पार्टी (रास्वपा) निशा डाँगीले निर्वाचन सम्पन्न भएको चार महिनामा संसद जनताको कामप्रति खडा हुन नसकेको बताएकी छन् ।

आइतबार बसेको प्रतिनिधिसभाको बैठकमा बोल्दै उनले संसदको काम कारवाही बारे असन्तुष्टि व्यक्त गरेकी हुन् ।

उनले भनिन्, ‘चार महिना भयो निर्वाचन सम्पन्न भएको । तर देश र जनताको पक्षमा यो सदनप्रति जनताले जुन अपेक्षा राखेका थिए, त्यसमा हामि खडा हुन नसकेको स्पष्टरुपमा आभास हुन थालेको छ ।’

सांसद डाँगीले राजनीतिक घटनाक्रम देखाएर संसद जनताका समस्याबाट पन्छिन नमिल्ने बताइन । उनले सभामुखलाई संसदीय समिति कहिले गठन हुन्छन्, कति दिन भित्र प्रतिनिधि सभाको नियमावली पारित हुन्छ भन्दै प्रश्न सोधेकी थिइन् ।

काठमाडौं – कांग्रेस महामन्त्री विश्वप्रकाश शर्मालाई लालपुर्जा वितरणमा सरकारलाई चारवटा सुझाव दिएका छन् ।

आइतबार प्रतिनिधिसभाको शून्य समयमा भूमि विषय उठाउँदै शर्माले गृहजिल्ला झापाका विभिन्न स्थानका भूमिहीन सुकुम्बासीका विषयमा सरकारको ध्यानाकर्षण गराएका हुन् ।

उनले झापा बुद्ध शान्ति गाउँपालिका सट्टाभर्नाकी ८० वर्षीया जसमाया केरुङका समस्या उठाउँदै देशका अन्य क्षेत्रमा सुकुम्बासीले पाइरहेका सास्तीबारे ध्यानाकर्षण गराएका हुन् ।

‘जसमाया केरुङ यो सम्मानित सदनमा मैले अहिले उच्चारण गरेको नाम एक आदरणीय आमाको हो ‘उहाँ जहिल्यै सोध्नुहुन्छ– मैले स्वास फेरिरहेको यो एक टुक्रा जग्गाको लालपुर्जा मेरो हातमा कहिले पर्छ ?,’ शर्माले भने ।

उनले भांगा गोला, प्यारिभिट्टा, मेची डाँडा, टिकापुर, काली झोडा, खम्बुटार, खरे डाँगीसहित देशको अनेकौं भेगका नागरिकले नापी कहिले आउँछ ? लालपुर्जा कहिले पाइन्छ ? भन्दै सोधिरहेको पनि बताए ।

बुद्ध शान्तिलगायत कतिपय ठाउँमा सरकारले लालपुर्जा वितरण सुरु गरे पनि गरीब जनताले चर्को कर तिर्न सक्दैनन् भन्ने हेक्का नराखिएको उल्लेख गर्दै शर्माले नापी नभएको ठाउँमा अविलम्ब नापी सुरु गरियोस्, जनताले तिर्न नसक्ने कर घटाएर न्यून बनाइयोस्, कर समायोजनसँगै लालपुर्जा वितरण अघि बढाइयोस् र अव्यवस्थित बसोबास र सुकुम्बासी समस्या समाधान गर्ने अन्तिम मितिको सुविचारित घोषणा गरियोस् भनी सरकारलाई सुझाव दिएका छन् ।

काठमाडौँ – जनमत पार्टीले मधेसका छ जिल्लामा आफ्नो पार्टीको इञ्चार्ज तोकेको छ । जिल्लामा पार्टीको काम कारबाही अगाडि बढाउन र सङ्गठन विस्तार गर्ने गरी जिल्ला समिति गठन गर्न इञ्चार्जको जिम्मेवारी तोकिएको सो पार्टीले जनाएको छ ।

पर्सा, रौतहट, सर्लाही, महोत्तरी, धनुषा र सिरहाको इञ्चार्ज तोकिएको अध्यक्ष सीके (चन्द्रकान्त) राउतले जानकारी दिनुभयो । उहाँका अनुसार पर्सामा माधवप्रसाद सिंह इञ्चार्ज, ओमप्रकाश सर्राफ संयोजक र मुकेश द्विवेदी सहसंयोजक तोकिनुभएको छ । 

 यसैगरी रौतहटमा वृजकिशोर यादव, सर्लाहीमा श्रीचनराय यादव, महोत्तरीमा सौरभ साह, धनुषामा सुरेन्द्र मण्डल र सिरहामा विनोद यादव इञ्चार्ज तोकिनुभएको सो पार्टीले जनाएको छ ।
 

काठमाडौं – नेकपा (माओवादी केन्द्र)का सांसद शक्ति बस्नेतले एसईईको परीक्षा ‘होम सेन्टर’मा गर्ने व्यवस्था मिलाउन माग गरेका छन् ।

आजको प्रतिनिधिसभा बैठकमा उनले पढिरहेको विद्यालयभन्दा अर्को विद्यालयमा परीक्षा दिन जाँदा परिक्षार्थी र अभिभावकलाई अनावश्यक तनाव भएको धारणा राखे ।

“आगामी सातादेखि एसईई सुरु हुँदै छ । एउटा विद्यालयमा पढिरहेका विद्यार्थीहरु एसईईको अर्को विद्यालयको परीक्षा केन्द्रमा जानुपरिरहेको छ,” उनले भने, “यसले अभिभावक र विद्यार्थीलाई अनावश्यक तनाव बनिरहेको छ । एसईईको व्यवस्था पढिरहेको विद्यालयमा हुने वा होम सेन्टरको व्यवस्था गरियोस् ।”

काठमाडौँ – राष्ट्रिय स्वतन्त्र पार्टीका सांसद हरि ढकालले शेयर बजारमा लगानीकर्ताले कति खर्ब गुमाएपछि सरकारले सुन्छ भन्दै प्रश्न गरेका छन् ।

आइतबार बसेको संसद बैठकको शून्य समयमा बोल्दै उनले सरकारमाथि यस्तो प्रश्न गरेका हुन्।

उनले भने, ‘अहिलेसम्म लगानीकर्ताले १४ खर्ब गुमाइसके, अब लगानीकर्ताले कति खर्ब गुमाएपछि सरकारले सुन्छ ?’

पछिल्लो सयम शेयर बजार निरन्तर ओरालो लाग्दा लगानीकर्ताहरु धरासायी भइरहेको सन्ददर्भमा ढकालले सरकारमाथि सवाल गरेका हुन्। 

काठमाडौँ – एकीकृत समाजवादीका सांसद शेरबहादुर कुँवरले नेपालको भूभागमा रहेको कालापानी, लिपुलेक, लिम्पियाधुरामा जनगणना नभएको विषय प्रतिनिधिसभामा उठाएका छन् ।

आइतबार बसेको प्रतिनिधिसभाको बैठकको शून्य समयमा बोल्दै ती क्षेत्रमा जनगणना नभएको सुनिएको भन्दै किन नभएको हो भन्दै प्रश्न गरेका छन् ।

उनले २०१८ सालमा जनगणना भएको क्षेत्रमा अहिले किन जनगणना नभएको भन्दै जवाफ मागेका छन् ।

काठमाडौं – जनता समाजवादी पार्टीका नेता अशोक राईले कोशी प्रदेशमा पहिचानको नाममा भइरहेको आन्दोलनप्रति सरकारको ध्यानाकर्षण गराएका छन् ।

आइतबार भएको बसेको प्रतिनिधिसभा बैठकमा उनले सरकारको ध्यानाकर्षण गराएका हुन् ।

पहिचान माग्नु जनताको नैसर्गिक अधिकार रहेको भन्दै उनले पहिचानको आधारमा प्रदेशको नामाकरण गर्नुपर्ने माग गर्दै भएको आन्दोलनमा प्रहरी दमनबाट नागरिकको मृत्यु भएको बताए ।

आन्दोलनमा जनता मारिनुपर्ने स्थितिको अन्त्य हुनुपर्ने भन्दै उनले कोशी प्रदेशमा भइरहेको आन्दोलनको माग सम्बोधन गर्न माग गरे ।

सुर्खेत / नेकपा एमालेका उपाध्यक्ष एवं पूर्व अर्थमन्त्री विष्णु पौडेलले अहिलेको घटनाक्रमले देश अस्थिरतातिर जाने निश्चित जस्तै रहेको बताएका छन् । यो गठबन्धनबाट देशको भविष्य नरहेको उनको टिप्पणी छ । यो सरकारले देशलाई समृद्धिको मार्गमा अघि बढाउन नसक्ने उनकाे दाबी छ ।

उनले  निर्वाचनको नतिजा अनुसार प्रतिपक्षमा बस्ने तयारी गरे पनि  राजनीतिक समीकरण बदलिने स्थित आएपछि  प्रचण्डलाई प्रधानमन्त्री बनाएर सरकारमा गएको स्मरण गरे ।

समझदारीका साथ सरकारमा गएको हो । यद्यपि ‌प्रचण्डले धोका दिएकाे भन्दै उनले एमालेको एकल बहुमतको सरकार निर्माण गर्ने तयारी स्वरूप ग्रासरुट अभियान सञ्चालन गरिएको बताए । 

कर्णाली – नेपाल समाजवादी पार्टीका अध्यक्ष डा बाबुराम भट्टराईले कम्युनिष्ट दलहरूसहितको समाजवादी धारा निर्माण गर्ने पक्षमा रहेको बताउनुभएको छ ।

कर्णाली प्रदेश पार्टीको प्रशिक्षण भेलाका क्रममा सुर्खेत आइपुग्नुभएका उहाँले आज वीरेन्द्रनगरमा आयोजित पत्रकार भेटघाटमा कार्यक्रममा  नेकपा ९माओवादी केन्द्र०सँग मात्र नभई त्यसबाहेक अन्य कम्युनिष्ट दलहरूसहितको एउटा समाजवादी धारा निर्माण गर्ने अवधाराणा बनाइएको बताउनुभयो । यसका लागि बृहत् छलफल भइरहेको बताउँदै अध्यक्ष भट्टराईले केन्द्र सरकारले पूर्णता पाएपछि एकताका विषयमा छलफल सुरु हुने जनाउनुभयो ।

पूर्वप्रधानमन्त्रीसमेत रहनुभएका उहाँले देशको आर्थिक, सामाजिक र राजनीतिक अवस्था सही तरिकाले अघि बढ्न नसकेकाले सन्तुष्ट हुनुपर्ने अवस्था नरहेको प्रतिक्रिया दिनुभयो । उहाँले भन्नुभयो, “वर्तमान सरकारसँग शान्ति प्रक्रियाका बाँकी काम पूरा गर्ने अभिभारा छ । मुलुकलाई समृद्धिको दिशामा हाँक्नुपर्ने जिम्मेवारी छ ।” यो गठबन्धन दिगो हुनेमा भने अध्यक्ष भट्टराईले पूर्णरूपले विश्वस्त नरहेको तर्क गर्नुभयो ।

राजनीति शक्ति केन्द्र भएकाले मुलुकमा कति बेला के हुन्छ भन्ने थाहा नहुने भन्दै उहाँले वर्तमान सरकार स्थिर भएर अगाडि बढ्न सकेमात्र देशले सही गति लिने बताउनुभयो । पत्रकार भेटघाटकै क्रममा उहाँले प्रधानमन्त्री पुष्पकमल दाहाल ‘प्रचण्ड’विरुद्ध दायर गरिएको मुद्दा शान्ति प्रक्रियाको मर्मविपरीत भएको टिप्पणी गर्नुभयो ।

काठमाडौं – सरकारको नेतृत्व गरिरहेको नेकपा माओवादी केन्द्रले ढिलोमा आगामी सोमवारभित्रमा मन्त्रिपरिषद् बिस्तार र गठबन्धन दलहरूको सहभागिता टुंगो लगाउने निर्णय गरेको छ ।

शनिवार पेरिसडाँडामा बसेको माओवादी पदाधिकारी बैठकमा प्रधानमन्त्री समेत रहनुभएका अध्यक्ष प्रचण्डले सबै दलहरूसँग छलफल भएको र आइतबारसम्म भागबण्डाको प्रस्ताव तयार हुने बताउनुभएकाे छ । 

बैठकपछि पत्रकारसँग कुरा गर्दै माओवादी केन्द्रका सचिव देवेन्द्र पौडेलले प्रस्ताव तयार भएपछि आइतवार वा सोमवार गठबन्धन दलहरूको बैठक बसेर मन्त्रिपरिषद् विस्तारले पूर्णता पाउने बताउनुभयाे ।

माओवादी बैठकले गठबन्धन दलहरूसँग छलफल गरेर संसद्को कारबाही प्रभावकारी बनाउने र टिआरसी लगायतका विधेयक पारित गर्नेबारे बैठकमा छलफल भएको बताउनुभयाे ।

काठमाडौँ – सत्तारुढ दल नेकपा माओवादी केन्द्रको पदाधिकारी बैठक पार्टी मुख्यालय पेरिसडाँडामा सुरु भएको छ। नयाँ समीकरणअनुसार सरकार विस्तारबारे छलफलका बीच पार्टी पदाधिकारी बैठक बसेको हो।

पार्टी अध्यक्ष तथा प्रधानमन्त्री पुष्पकमल दाहाल ‘प्रचण्ड’ केन्द्रदेखि प्रदेशको सत्ता समीकरणमा प्याकेजमा सहमति खोज्ने प्रयासमा छन्। नेताहरुबीच सामूहिक रुपमा तथा २ पक्षीय वार्ताहरु भइरहेका छन्। तर, सत्ता बाँडफाँडको विषयमा ठोस सहमति हुन सकेको छैन। यसले गर्दा प्रधानमन्त्रीमाथि अझै १६ वटा मन्त्रालयको भार रहेको छ।

आज बस्ने बैठकमा सत्ता समीकरणकै विषयमा छलफल केन्द्रित हुने बताइएको छ। बैठकले माओवादीको बटमलाइन तय गर्ने बुझिएको छ।

रूपन्देही – नेकपा एमालेका अध्यक्ष केपी शर्मा ओलीले आज विश्व शान्तिको मुहान लुम्बिनीको अवलोकन भ्रमण गरेका छन् ।

उनको साथमा लुम्बिनी प्रदेशका मुख्यमन्त्री लिला गिरी, सांसदहरू, पूर्वमन्त्रीहरू र पार्टीका नेताहरू सहभागी थिए ।

अध्यक्ष ओलीले शिलान्यास गरेको अन्तर्राष्ट्रिय ध्यान केन्द्र तथा सभाहल र लुम्बिनीमा निर्मित गुरुयोजना अजुरुपका विभिन्न संरचनाको बारेमा जानकारी लिएका छन् । त्यसअवसरमा कोषका उपाध्यक्ष भिक्षू अवधेश त्रिपाठी, सदस्यसचिव सानुराजा शाक्य, योजना प्रमुख इन्जिनियर सरोज भट्टराईलगायतले विभिन्न विषयमा जानकारी गराएका हुन् ।

कपिलवस्तुमा पार्टीले संचालन गरेको मिसन ग्रासरूट अभियानमा सहभागी हुन अध्यक्ष ओली गएका हुन् ।