Author: nepalone

काठमाडौं – प्रधानमन्त्री पुष्पकमल दाहाल ‘प्रचण्ड’ले आयुर्वेदका लागि सही र उचित गन्तव्यस्थल नेपाल भएको बताएका छन् ।

शुक्रबारबाट काठमाडौंमा सुरु भएको सातौं अन्तर्राष्ट्रिय आयुर्वेद महासभालाई सम्बोधन गर्दै उनले यस्तो बताएका हुन् । उनले आयुर्वेदलाई प्राथमिकताका साथ अघि बढ्न नेपाल सरकार प्रतिबद्ध रहेको पनि बताए ।

प्रधानमन्त्री प्रचण्डले पछिल्लो समय जलवायु परिवर्तनका कारण नेपालजस्तो प्राकृतिक रुपमै आयुर्वेदका लागि उपयुक्त गन्तव्यस्थलमा विभिन्नखाले समस्याहरु परिरहेको भन्दै त्यसलाई न्यूनीकरण गर्ने बाटोमा जान आवश्यक रहेको बताए ।

उनले नेपाल आयुर्वेद क्षेत्रको लागि प्राकृतिक भूमि भएको उल्लेख गर्दै नेपालमा यार्सागुम्बा, अमला, रुद्राक्ष, तुलसी लगायतका अति महत्वपूर्ण वनस्पतिहरु पाइने उल्लेख गरे ।

आयुर्वेदका लागि नेपालमा रहेका वनस्पतिहरु जोगाइराख्नुपर्ने आवश्यक्ता देखिएकोले सरकारले पनि यसलाई पहिलो प्राथमिकतामा राखेर काम गरेको उनले बताए । प्रधानमन्त्रीले सरकारले आयुर्वेदलाई संरक्षण र संवर्द्धन गर्न सिंहदरबारस्थित वैद्यखानाबाट आफ्ना कामहरु गरिरहेको बताए ।

उनले भारतले पनि नेपाललाई आयुर्वेदका औषधिहरु पाइने मुख्य थलोको रुपमा राखेको उल्लेख गर्दै नेपालका वनस्पतिहरुको संरक्षण संवद्र्धन गर्न जरुरी रहेको बताए । प्रधानमन्त्री प्रचण्डले नेपालमा रहेका वनस्पतिहरुको अध्ययन र अनुसन्धान अझै हुन जरुरी रहेको बताए ।

उनले भने, ‘आयुर्वेदालाई प्राथमिकताका साथ अघि बढ्न नेपाल सरकार प्रतिवद्ध छ। नेपाल आयुर्वेद क्षेत्रको प्राकृतिक भूमि हो। नेपालमा विभिन्न प्रकारका प्राकृतिक औषधिहरु पाइन्छन्, यार्सागुम्बा, अमला, लगायतका विभिन्न अमूल्य जडिबुटीहरु पनि यहाँ पाइन्छ। सिंहदरबारस्थित वैद्यखानाबाट पनि हामीले आयुर्वेदलाई मूख्य प्राथमिकतामा राखेर काम गरिरहेक छौँ। हामीले पहिलो प्राथमिकतामा राखेर आयुर्वेद अस्पतालका लागि औषधिहरुको मुख्य थलोको रुपमा नेपाललाई भारतले राखेको छ। अझै यसलाई हामीले प्रचारप्रसार गर्न आवश्यक छ। तर पछिल्लो समय जलवायु परिवर्तनका कारण यसमा असर परिरहेको छ। यसलाई हामीले न्यूनीकरण गर्दै जानुपर्छ ।’

काठमाडौँ – नागरिक उन्मुक्ति पार्टीका अध्यक्ष रेशम चाैधरीलाई भेट्न बिहीबार राष्ट्रपतिका उम्मेदवार एवम् नेपाली काँग्रेसका वरिष्ठ नेता रामचन्द्र पाैडेल डिल्लिबजार कारागार पुग्नुभएकाे छ ।

आठदलीय गठबन्धनमा समावेश भएकाे नाउपालका अध्यक्ष भेट्न कारागार पुग्नुभएका पाैडेललाई रेशम चाैधरीले ८ वटा माग अगाडि सार्नुभएकाे छ । 

चाैधरीले राष्ट्रपतिमा नयाँ बनेकाे आठदलीय गठबन्धनले माग पूरा गरे मात्र सघाउने चेतावनी दिएकाे नाउपाका एक नेताले बताउनुभयाे । उहाँले एमालेसहितकाे गठबन्धन ताेडेर काँग्रेससहितकाे गठबन्धनमा अाउनु अाफ्ना माग पूरा गर्न रहेकाे बताउनुभयाे । ती नेताका अनुसार चाैधरीले सुदूरपश्चिम प्रदेशमा कांग्रेस, माओवादी र नाउपा डेढ–डेढ वर्ष सरकारको नेतृत्व गर्ने गरी सहमति हुनुपर्ने प्रस्ताव अघि सार्नुभएकाे छ । 

नाउपाले सुदूरपश्चिममा अहिले दुई मन्त्री र एक राज्यमन्त्री मागका साथै दुई संसदीय समितिको सभापति माग गरेको छ । सुदूरपश्चिम प्रदेशको नाम खस–थारु प्रदेश नराख्नु पर्ने रेशमको माग छ । नाम फेर्न गठबन्धनसँग सुदूरपश्चिममा दुई तिहाइ रहेको चौधरीको भनाइ छ ।

यस्तै सुदूरपश्चिमको राजधानी धनगढी बनाउनुपर्ने उहाँको माग छ । यस्तै कैलालीको टीकारपुर क्षेत्रलाई छुट्टै जिल्ला घोषणा गर्न माग रेशमले माग अगाडि सार्नुभएकाे छ । आठ दलीय गठबन्धनमा केन्द्रमा उपप्रधानसहित सहरी विकास मन्त्रालय र एक राज्यमन्त्री माग चाहिने उहाँको माग छ । 

धनुषा – नेपाली काँग्रेसका केन्द्रीय सदस्य प्रकाशमान सिंहले राष्ट्रपतिको निर्वाचन पश्चात् देशमा वृहत् सहमतिको सरकार बन्ने बताएका छन् ।

बिहीबार धनुषामा सञ्चारकर्मीसँग कुरा गर्दै नेता सिंहले अहिले आठ दलबिच भएको सहमति अनुसार नै राष्ट्रपतिको निर्वाचन पश्चात् देशमा वृहत् सहमतिको सरकार बन्ने बताएका हुन् ।

उनले बिथोलिएको राजनीतिक वातावरण सही ट्याकमा आएको पनि बताए । निर्वाचन अघि बनेको गठबन्धन केही समय असहताका साथ अघि बढे पनि अहिले जनताको जनमत अनुरूपका राजनीतिक परिस्थिति निर्माण भएको उनले बताए । उनले राष्ट्रपतिमा रामचन्द्र पौडेलको जीत सुनिश्चित रहेकाले अव कुनै दुबिधा नराख्न आग्रह गरे ।

उनले हरेक चुनौतीको सामना गर्दै सहज राजनीतिक वातावरण निर्माण गरेर मुलुकलाई अघि बढाउने दायित्व सबै दलसामु आएको जिकिर गरे ।

काठमाडौं – नेपाली कांग्रेसका पूर्वमहामन्त्री डा. शशांक कोइरालाले नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ दुई वर्ष प्रधानमन्त्री बन्ने बताएका छन् । त्यसपछि एक वर्ष नेकपा (एकीकृत समाजवादी) का अध्यक्ष माधवकुमार नेपाल प्रधानमन्त्री बन्ने आठ दलबीच समझदारी भएको उनले बताए ।

बिहीबार काठमाडौंमा आयोजित अभिमुखीकरण कार्यक्रममा उनले त्यसपछि पार्टी सभापति शेरबहादुर देउवाको नेतृत्वमा चुनावी सरकार बन्ने उल्लेख गरेका छन् । “दुई वर्षमा प्रधानमन्त्री फेरिन्छन् । एक वर्ष माधवकुमार नेपाल प्रधानमन्त्री बन्नुहुनेछ,” शशांकले भने, “चुनाव हुने बेलामा देउवा प्रम हुन्छन् ।” उनले कांग्रेसको ध्यान आठ दलिय गठबन्धनमा विश्वास कायम गर्नेमा केन्द्रित रहेको भन्दै बीचमा सरकार तलमाथि नहुने बताए ।

“गठबन्धनमा विश्वास नचुडियोस् भन्नेमा हाम्रो ध्यानकेन्द्रित छ । राष्ट्रपति निर्वाचनलाई राष्ट्रिय सहमति नभनौँ, दलीय सहमति भनौँ,” उनले भने, “हामी स्थिर सरकार चाहन्छौँ । अस्थिर सरकार भयो भने केही पनि हुँदैन । स्थिरताको हाम्रो प्रयास हो । अस्थिरता चहाने एमाले मात्र

काठमाडौं – नेपाली कांग्रेसका सांसद अर्जुननसिंह केसीले सरकारमा कांग्रेसले परिमाणात्मक रुपमा कति मन्त्रालय दावी गर्ने कुरा अहिले भन्न नकिने बताएका छन् ।

राष्ट्रपतिमा रामचन्द्र पौडेललाई समर्थन गर्ने ८ दलले सांसदलाई प्रशिक्षण कार्यक्रमअघि सञ्चारकर्मीसँगको कुराकानीमा उनले यस्तो बता्एका हुन् ।

अहिले मन्त्रालय दाबी गर्ने अवस्थमा कांग्रेस नपुगेकाले दलहरुसंग छलफल गरेरमात्र सो कुरा टुङ्गो लगाउने उनको भनाइ रहेको छ ।

यस्तै केसीले गठबन्धन शक्ति र सत्ताको लागि मात्रै नभएकाले टुट्ने र फुट्ने अवस्था नआउने समेत दाबी गरे । उनका अनुसार आठदलिय गठबन्धन पाँच वर्षसम्मका लागि नै दिगो हुन्छ । गठबन्धन पाँचै वर्ष जाने दाबी गर्दै केसीले देउवा ७६ -३ को प्रधानमन्त्री बन्ने सम्भावना नरहेको समेत उल्लेख गरेका छन् ।

सभामुखले प्रतिनिधि सभाको बैठक लामो समय स्थगित गरेकोप्रति उनले असन्तुष्टि जनाएका छन् । साथै
सभामुखले आफ्नो स्वविवेकको प्रयोग गरेर संसद् बैठक स्थगित गर्नु उपयुक्त नभएको समेत बताए ।

काठमाडौँ – उपप्रधानमन्त्री एवम् भौतिक पूर्वाधार तथा यातायातमन्त्री नारायणकाजी श्रेष्ठले कमलविनायक–नगरकोट सडकको अनुगमन तथा निरीक्षण गर्नु भएको छ। 

अनुगमनका क्रममा उपप्रधानमन्त्री श्रेष्ठले स्थानीयको गुनासो सुन्दै जनतालाई दुख नदिईकन ठेकेदारले पुराना कमजोरीबाट पाठ सिक्दै समयमै गुणस्तरीय रुपमा काम सम्पन्न गर्नुपर्ने बताउनुभयो । यदि ठेकदारले समयमा काम सम्पन्न नगरे ठेकेदार परिवर्तन गरेरै भएपनि समयमै काम सम्पन्न गर्ने बताउनुभयो । 

अनुगमनमा मन्त्रीसहित नेपालका लागि भारतीय राजदूत नवीन श्रीवास्तव, मन्त्रालयका सचिव, सडक विभागका महानिर्देशक, सम्बन्धित आयोजना प्रमुख, ठेक्का पाएका निर्माण कम्पनीका प्रतिनिधि सहितको टोली सहभागी हुनुहुन्थ्यो ।

समयमै काम सम्पन्न नभएको र जनताले धेरै नै दुःख पाएको भन्ने गुनासो आएपछि उपप्रधानमन्त्री श्रेष्ठले विभिन्न स्थानका आयोजनाहरूको अनुगमन गरिरहनुभएको छ । त्यस्तै उहाँको निर्देशन पछि काठमाडौँका खाल्डाखुल्डीहरू पुरिएका थिए ।

काठमाडौँ – राष्ट्रपति चुनावमा आठ दलीय गठबन्धनबाट उम्मेदवार बनेका नेपाली कांग्रेसका वरिष्ठ नेता रामचन्द्र पौडेलले सबै मतदाताहरूलाई मत माग्दै पत्र पठाएका छन् ।

आसन्न राष्ट्रपति निर्वाचनका लागि राष्ट्रिय सभा, प्रतिनिधिसभा र प्रदेश सभाका कूल ८८२ मतदाताहरू रहेका छन् । पौडेलले ‘संविधानको सीमाभित्र रहेर देशको सेवा गर्न चाहेको’ बताउँदै सबै मतदाताहरूलाई व्यक्तिगत रूपमा पत्र पठाएका हुन् ।

यसअघि पार्टीले सबै दललाई मत माग्दै पत्र पठाइसकेको छ । यही फागुन २५ गते राष्ट्रपति पदका लागि निर्वाचन हुँदैछ ।

विराटनगर – प्रदेश १ को नामकरणका लागि नेकपा एकीकृत समाजवादी र जसपाले छुट्टै प्रस्ताव दर्ता गरेका छन् ।

नेकपा (एकीकृत समाजवादी) र जनता समाजवादी पार्टीका सांसदहरू मिलेर किरात लिम्बुवान सगरमाथा नामसहित प्रस्ताव दर्ता गरेका हुन् ।

जनता समाजवादी पार्टीले पनि एकीकृत समाजवादीकै प्रस्तावमा समर्थन जनाएको छ। प्रदेश सभामा एकीकृत समाजवादीका ४ र जसपाका १ सांसद छन्। यसअघि प्रदेशको नाम कोशी राख्न एमाले र कांग्रेस सांसदहरूले प्रस्ताव दर्ता गरेका थिए।

एमालेका सांसद रामबहादुर राना मगर प्रस्तावक र एमालेकै निरन राई र नेपाली कांग्रेसका भूमिप्रसाद राजवंशी समर्थक रहेर कोशी नाम राख्ने प्रस्ताव संसदमा दर्ता भएको छ।

अर्को सत्तारूढ दल माओवादी केन्द्रले पनि उक्त प्रस्तावमा फरक मत नराख्ने बताएको छ। सत्ताको नेतृत्व गरिरहेको एमाले र विपक्षी कांग्रेस एकमत भएर प्रदेशको नाम राख्न लागेपछि माओवादी केन्द्रले पनि यसमा अवरोध नगर्ने, फरक मत नराख्ने वचन दिएको कांग्रेस नेताहरूले बताएका छन्। माओवादी नेताहरूले आफूले नभई जनताले नै पहिचानको मुद्दा छोडेको बताएका छन्।

काठमाडौँ – राष्ट्रिय स्वतन्त्र पार्टी (रास्वपा)को निर्वाचन चिह्न परिवर्तन गरिएको छ ।

बुधबार रास्वपाका प्रवक्ता मुकुल ढकालले गोलाकारभित्रको घण्टी रहेकोमा गोलाकार हटाएर घण्टी मात्र राखिएको जानकारी गराएका हुन् । प्रवक्ता ढकालले आज विज्ञप्ति जारी गर्दै पार्टीको निर्वाचन चिन्ह औपचारिक रुपमा संशोधन भएको बताएका छन् ।

विज्ञप्तिमा भनिएको छ,‘पार्टीले निर्वाचन आयोगमा पेश गरेको पार्टीको विधानको अनुसूची २ मा रहेको साविक चुनाव चिन्ह सम्बन्धी व्यवस्थामा परिवर्तन गर्न पेश गरेको संशोधन प्रस्तावलाई आयोगको मंगलबार बसेको बैठकले स्वीकृत गरेसँगै अब पार्टीको चुनाव चिन्ह ‘घण्टी’कायम भएको जानकारी सम्बन्धित सबै सरोकारवालाहरुलाई गराउँदछौं ।’

विराटनगर – प्रदेश नम्बर १ को नाम कोसी राख्न सांसदहरुले प्रस्ताव गरेका छन् ।

बुधबार प्रदेश १ को संसद सचिवालयले एक सुचना जारी गर्दै नामाकरण पेश गर्नका लागि समयसिमा तोकेकोमा एमालेका प्रदेशसभा सदस्य राम रानामगर प्रस्तावक र कांग्रेसका भूमिप्रसाद राजवंशी समर्थक रहेको प्रस्ताव संसद सचिवालयमा दर्ता गराएका हुन् ।

प्रस्तावमा भनिएको छ, ‘संविधानको धारा २९५ को उपधारा २ तथा प्रदेश नं. १ प्रदेश सभा (पहिलो संशोधन) नियमावली, २०७५ को परिच्छेद १०, नियम ५८ को उपनियम (ख) १ संग २९५ को उपधारा (२) बमोजिमको यस प्रदेशको नामकरण तपसिलमा उल्लेखित नाम कायम गरियोस् ।’

काठमाडौं – नेकपा एमालेका महासचिव शंकर पोखरेलले प्रधानमन्त्री पुष्पकमल दाहाल प्रचण्ड पतनोन्मुख यात्रामा रहेको बताएका छन्। ​मंगलबार सामाजिक सञ्जालमार्फत महासचिव पोखरेलले प्रधानमन्त्री प्रचण्ड पतनोन्मुख यात्रामा रहेको बताएका हुन्।

‘उग्रवामपन्थी अतिवादको पतन कसरी चरम दक्षिणपन्थी अवसरवाद र राष्ट्रिय आत्मसमर्पणवादमा पुगेर हुन्छ भन्ने कुराको उदाहरण बन्दैछ प्रचण्डको पतनोन्मुख यात्रा,’ उनले भनेका छन्।

फागुन १२ गते प्रधानमन्त्री प्रचण्डले ८ दलीय गठबन्धन ब्यूँत्याएसँगै एमाले नेताहरूले निरन्तर आक्रोश व्यक्त गरिरहेका छन्। राष्ट्रपतिमा राष्ट्रिय सहमति कायम गर्ने बताउँदै माओवादी केन्द्रले नयाँ गठबन्धन ब्यूँत्याएको हो।