काठमाडौं । नेपाली कांग्रेसका नेता डा. शशांक कोइरालाले पार्टी एकताका लागि गगन थापा पक्षले वार्ता नगरेको आरोप लगाएका छन्।

सोमबार आयोजित पत्रकार सम्मेलनमा बोल्दै कोइरालाले पार्टीभित्रको विवाद समाधान गरी एकतामा पुग्न वार्ता र संवाद आवश्यक रहेको बताए। उनले कुन बिन्दुमा सहमति जुटाउन सकिन्छ भन्ने विषयमा छलफल गर्नुपर्ने भए पनि वार्ताकै वातावरण नबनाइएको गुनासो गरे।

उनले भने, ‘एकताका लागि त वार्ता गर्नुपर्यो नि? वार्तै नगर्ने।’

कोइरालाले पार्टीभित्रको विवादलाई थप जटिल बनाउनेभन्दा संवादमार्फत समाधान खोज्नुपर्नेमा जोड दिए। पार्टीको एकता कायम राख्न दुवै पक्ष लचक भएर वार्तामा बस्नुपर्ने उनको भनाइ थियो।