Author: nepalone

काठमाडौँ । प्रतिनिधि सभा निर्वाचनको जारी मतगणनामा झापा–५ का रास्वपा उम्मेदवार बालेन शाहले एमाले उम्मेदवार केपी शर्मा ओलीले भन्दा दोब्बरभन्दा बढी मत पाएका छन् ।
ओलीले ४ हजार ८७ मत पाउँदा बालेनले १० हजार १९० मत पाएका हुन् । झापा–५ को मतगणना जारी रहेको छ ।

काठमाडौं । राष्ट्रिय स्वतन्त्र पार्टी (रास्वपा)कि रञ्जु दर्शना काठमाडौं–१ मा निर्वाचित भएकी छन् । रञ्जुको जितसँगै रास्वपाले विजयको खाता खोलेको छ ।

अन्तिम परिणाम अनुसार रास्वपा उम्मेदवार रञ्जु  १५ हजार ४५५ मतसहित विजयी भएकी छन् ।

६ हजार ३६४ मतसहित नेपाली कांग्रेसका प्रबल थापा निकटतम प्रतिद्वन्द्वी मात्रै रहे । अघिल्ला दुई निर्वाचनमा जित झिनो मतान्तरले पराजित हुँदै आएका राप्रपाका रवीन्द्र मिश्रले ३ हजार ९७२ मत मात्रै प्राप्त गरे ।

यस्तै एमालेका मोहनराज रेग्मीले एक हजार ६१८ मत, नेपाली कम्युनिस्ट पार्टीकी मेनुका भण्डारीले ३४५ मत, श्रम संस्कृति पार्टीका समीर लामा तामाङले ४२६ मत पाएका छन् ।

काठमाडौं । राष्ट्रिय स्वतन्त्र पार्टी (रास्वपा)बाट काठमाडौं–१ मा उम्मेदवार बनेकी रञ्जु दर्शनाको जित निश्चित भएको छ ।

हालसम्म २३ हजार २२७ मत गणना हुँदा दर्शनाले १२ हजार ७८ मत पाएकी छन् । यो क्षेत्रमा नेपाली कांग्रेसका प्रवल थापाले ५२१६ मतसहित पछ्याई रहेका छन् । यसैगरी, राष्ट्रिय प्रजातन्त्र पार्टी (राप्रपा)का रविन्द्र मिश्रले ३१८५ मत पाएका छन् ।

काठमाडौं–१ त्यस्तो क्षेत्र हो १० वर्षे माओवादी युद्धअघिसम्म यहाँ तारान्तार कम्युनिस्ट नेताहरूले चुनाव जितेका थिए ।

पहिलो कम्युनिस्ट प्रधानमन्त्री मनमोहन अधिकारीदेखि पहिलो महिला राष्ट्रपति विद्यादेवी भण्डारीले यो क्षेत्रबाट विगतमा चुनाव जितेका थिए । २०६४ पछि भने यो क्षेत्रमा कांग्रेस विजयी हुँदै आएको थियो । यसपटक भने रास्वपाले कांग्रेस र कम्युनिस्ट उम्मेदवारलाई धेरे पछि पार्दै जित निश्चित बनाएको छ ।

प्रतिनिधि सभा निर्वाचनको मत गणना जारी छ।

अहिलेसम्म ५५ क्षेत्रमा मतगणना चलिरहेको निर्वाचन आयोगले जनाएको छ।

पछिल्लो विवरण अनुसार मतगणना चलिरहेका क्षेत्रमध्ये राष्ट्रिय स्वतन्त्र पार्टीले ४१ स्थानमा अग्रता लिएको छ।

त्यसैगरि नेकपा एमालेले ५ स्थानमा अग्रता लिएर दोस्रो स्थानमा छ।

नेपाली कांग्रेसले ५ स्थानमा अग्रता लिँदा नेपाली कम्युनिस्ट पार्टीले ३ स्थानमा अग्रता लिएको छ।

श्रम संस्कृति पार्टीले एक ठाउँमा अग्रता लिएको छ ।

महाेत्तरी १ मा जारी मतगणनामा रास्वपाका उम्मेदवार प्रमोद महतो अगाडि छन्।

अहिलेसम्म प्राप्त विवरणअनुसार घण्टी चिह्नका प्रमाेद महताेले ३५४७ मत पाएका छन्।

यस्तै नेकपाका गिरिराजमणि पाेखरेलले १६२०, कांग्रेसका मुकेश काफ्लेले ५१७ र एमालेका लक्ष्मी महताेले ७०३ मत पाएका छन्।

काठमाडौं । नेकपा एमालेले तीन क्षेत्रमा अग्रता लिएको छ । लुम्बिनीको दुई र गण्डकीको एक क्षेत्रमा अग्रता लिएको हो ।

निर्वाचन आयोगका अनुसार गण्डकीको स्याङ्जा– १ मा मीनप्रसाद गुरुङ र लुम्बिनीको रुपन्देही–४ मा प्रमोदकुमार यादव र बाँके–२ मा मोहम्मद इस्तियाक राईले अग्रता लिइरहेका हुन् ।

यसअघि कोशीको तेह्रथुममा भानुभक्त ढकालले प्रारम्भिक अग्रता लिएका थिए । त्यहाँ अहिले कांग्रेसका सन्तोष सुब्बाले अग्रता लिएका छन् ।

नेपाली कांग्रेसले पाँच स्थानमा अग्रता लिएको छ । निर्वाचन आयोगका अनुसार काग्रेंसले तेह्रथुम १ मा सन्तोष सुब्वा, ललितपुर १मा उदयशमशेर राणा, मुस्ताङ १ मा योगेश थकाली, कपिलवस्तु ३ अभिषेकप्रताप शाह र कैलाली १ मा जनकराज चौधरीले अग्रता कायम गरेका छन् ।

भक्तपुर क्षेत्र नम्बर १ मा राष्ट्रिय स्वतन्त्र पार्टीका रूकेश रन्जितले अग्रता कायमै राखेका छन्।

उनले पछिल्लो मतपरिणाम अनुसार ३ हजार ८८४ मत प्राप्त गरेका छन्।

उनका प्रतिस्पर्धी नेपाल मजदुर किसान पार्टीका प्रेम सुवालले २ हजार १३३ मत प्राप्त गरेका छन्।

दुई जनाबीच १७५१ मतान्तर छ।

तेस्रो स्थानमा नेपाली कांग्रेसका किरण न्यौपानेले ६०५ मत प्राप्त गरेका छन्।

Premier
नेकपा एमालेका सोमप्रसाद मिश्रले ३०२ मत प्राप्त गरेका छन्।

प्रतिनिधिसभा सदस्य निर्वाचनको मतगणना जारी छ।

निर्वाचन आयोगले दिएको पछिल्लो जानकारी अनुसार धादिङ क्षेत्र नम्बर १ मा नेपाली कम्युनिष्ट पार्टीका वरिष्ठ नेता राजेन्द्र पाण्डेलाई पछि पार्दै राष्ट्रिय स्वतन्त्र पार्टीकी आशिका तामाङले अग्रता लिएकी छन्।

तामाङले ५५४ मत पाउँदा पाण्डेले ३३६ मत पाएका छन्। यस्तै, नेकपा एमालेका भूमि त्रिपाठीले २९५ मत पाएका छन्।

रुकुमपूर्वको प्रारम्भिक मतगणना अनुसार नेपाली कम्युनिस्ट पार्टी (नेकपा) का संयोजक पुष्पकमल दाहाल प्रचण्डले फराकिलो मतान्तरले अग्रता लिएका छन् ।

प्रारम्भिक मतगणना अनुसार २ हजार ६३५ मत गणना गर्दा प्रचण्डले १ हजार ४१५ मत प्राप्त गरेका छन् । उनलाई नेकपा एमालेका उम्मेदवार लीलामणि गौतमले ४३१ मतका साथ पछ्याइरहेका छन् ।

नेपाली कांग्रेसकी उम्मेदवार कुसुमदेवी थापाले ४१७ मत ल्याउँदा राष्ट्रिय स्वतन्त्र पार्टी (रास्वपा) का लखनकुमार थापाले १७६ मत ल्याएका छन् ।

काठमाडौं । नेकपा एमालेले प्रतिनिधिसभा निर्वाचनमा तीन क्षेत्रमा अग्रता कायम राखेको छ । निर्वाचन आयोगका अनुसार कोशीको तेह्रथुम, लुम्बिनीको रुपन्देही–४ र लुम्बिनीकै बाँके–२ मा एमालेले अग्रता लिइरहेको हो ।

तेह्रथुममा पूर्वस्वास्थ्यमन्त्री भानुभक्त ढकाल, रुपन्देही–४ मा प्रमोदकुमार यादव र बाँके–२ मा पूर्वमन्त्री मोहम्मद इस्तियाक राई अन्य दलका उम्मेदवार भन्दा अगाडि छन् ।

दाङ निर्वाचन क्षेत्र नम्बर १ को पछिल्लो मतगणना परिणाम सार्वजनिक भएको छ। कुल २२३२ मतगणना सम्पन्न हुँदा राष्ट्रिय स्वतन्त्र पार्टी (रास्वपा) ले आफ्ना प्रतिस्पर्धीहरूलाई निकै पछाडि पार्दै फराकिलो अग्रता कायम गरेको छ। प्राप्त पछिल्लो विवरण अनुसार रास्वपाले १५१६ मत प्राप्त गरी अग्रस्थान सुरक्षित गरेको छ।रास्वपाको तुलनामा अन्य ठूला दलहरूको मत परिणाम निकै कम देखिएको छ। नेपाली कांग्रेस (रूख) २९२ मतका साथ दोस्रो स्थानमा छ भने नेकपा एमाले (सूर्य) ले २२२ मत प्राप्त गर्दै तेस्रो स्थान ओगटेको छ। त्यस्तै अन्य साना दल र स्वतन्त्र उम्मेदवारहरू पनि चुनावी प्रतिस्पर्धामा निकै पछाडि परेका छन्। तारा चिन्हले ८९ मत ल्याएको छ भने हलो चिन्हका उम्मेदवारले २५ मत प्राप्त गरेका छन्।

निर्वाचन कार्यालयले दिएको जानकारी अनुसार गिलास चिन्हले ४८ मत, आँपले १३ मत, स्वतन्त्र उम्मेदवार (चेस गोटी) ले १३ मत र गुलाफको फूलले ८ मत प्राप्त गरेका छन्। यस्तै छाताले ३ र मोबाइल चिन्हले २ मत पाएका छन्। गणना भएका कुल मतमध्ये १०१ मत बदर भएको निर्वाचन अधिकृतको कार्यालयले जनाएको छ।

मोरङका तीनवटा निर्वाचन क्षेत्रमा मत गणना सुरु भएको छ। सुरुवाती परिणाम अनुसार मत गणना सुरु भएका तीनवटै क्षेत्रमा रास्वपाले प्रारम्भिक अग्रता कायम गरेको छ।

मोरङ क्षेत्र नम्बर १ मा रास्वपाका यज्ञमणि न्यौपानेले ९६७ मत ल्याउँदा श्रम संस्कृति पार्टीका शान्ति पाख्रिनले ६४३, नेपाली काँग्रेसका खड्ग फागोले ४३७ र नेकपा एमालेको घनश्याम खड्काले २३७ मत ल्याएका छन् ।

क्षेत्र नम्बर ४ मा रास्वपाका सन्तोष राजवंशीले प्रारम्भिक अग्रता कायम गरेका छन्।

उनले १६३० मत ल्याउँदा नेपाली काँग्रेसका महामन्त्री गुरुराज घिमिरेले ३६०, नेकपामा अमनलाल मोदीले ३३८ र नेकपा एमालेका जीवन घिमिरेले २५२ मत प्राप्त गरेका छन्।

त्यस्तै  क्षेत्र नम्बर ५ मा रास्वपा कि आशा झाले १२२९ मत पाउँदै अग्रता सुरु गरेकी छिन्।

यो क्षेत्रमा जसपाका राजकुमार यादवले ५६५, नेकपाका शिवकुमार मण्डलले ३४५ र नेपाली काँग्रेसका फुलकुमार लालवानीले ३२७ मत प्राप्त गरेका हुन्।

काठमाडौं । काठमाडौं ३ मा राष्ट्रिय स्वतन्त्र पार्टी (रास्वपा)का उम्मेदवारले अग्रता बनाएको छ ।

बिहान ५ बजेसम्मको मतपरिणाम अनुसार रास्वपाका राजु पाण्डेले अगाडि देखिएका छन् । अहिले राजु पाण्डे २५४ मतले अगाडि देखिएका छन् । पाण्डेले २ हजार ९६० मत ल्याएका छन् ।

यसअघिसम्म अग्रता बनाइरहेका उज्यालो नेपाल पार्टीका कुलमान घिसिङ भने पछि परेका छन् । कुलमानले २७०६ मत पाएका छन् ।

उनीहरूलाई नेपाली कांग्रेशका रमेश अर्याल र एमालेका रामेश्वर फुयाँलले पछ्याइरहेका छन् ।