Nepal One HD – Revealing the Truth – Latest Online News from Nepal
Breaking News from Political, Health, Sports, Lifestyle and Social News
काठमाडौं । नेपाली कांग्रेसका प्रतिनिधिसभा सदस्य अर्जुननरसिंह केसीले पद तथा गोपनीयताको शपथ ग्रहण गरेका छन् ।
राष्ट्रपति रामचन्द्र पौडेलसँग उनले शपथ ग्रहण गरेका हुन् । ज्येष्ठ सदस्यका रुपमा उनलाई राष्ट्रपति पौडेलले शपथ ग्रहण गराएपछि उनले बिहीबार (भोलि) प्रतिनिधिसभाका अन्य २७४ जना सदस्यलाई पद तथा गोपनीयताको शपथ ग्रहण गराउने छन् ।
केसी २०३८ सालदेखि संसदमा छन् । पूर्वमन्त्रीसमेत रहेका केसी नेपाली कांग्रेसबाट समानुपातिक सांसद भएका हुन् ।
काठमाडौं– राष्ट्रिय प्रजातन्त्र पार्टी (राप्रपा)का नेता तथा पूर्वसांसद ऋषिबाबु परियारले पार्टीका सबै पद तथा जिम्मेवारीबाट राजीनामा दिएका छन्। उनले साधारण सदस्यसमेत नरहने गरी पार्टीसँगको आफ्नो सम्पूर्ण सम्बन्ध तोडेको घोषणा गरेका छन्।
परियारले मंगलबार एक वक्तव्य जारी गर्दै आफूले नैतिकताको आधारमा यस्तो निर्णय लिनुपरेको स्पष्ट पारेका छन्। उनी राप्रपामा केन्द्रीय सदस्य, केन्द्रीय कार्यसम्पादन समिति सदस्य तथा केन्द्रीय निर्देशन समिति सदस्यका रूपमा सक्रिय रहँदै आएका थिए।
राजीनामाको मुख्य कारणका रूपमा उनले राजाको एजेन्डा लिने तर ‘राजआज्ञा’ पालना नगर्ने भनेर अध्यक्ष राजेन्द्र लिङ्देनको कडा शब्दमा आलोचनासमेत गरेका छन् ।
पार्टीभित्र देखिएको वैचारिक अस्पष्टता, दलित समुदायप्रति असंवेदनशीलता तथा नेतृत्वको पक्षपातपूर्ण व्यवहारलाई औंल्याएका छन्।
उनले समानुपातिक प्रतिनिधित्वमा दलित समुदायलाई समेट्न सकिने अवस्थाको बाबजुद त्यसो नगरी खसआर्यलाई मात्र प्राथमिकता दिइएकोप्रति असन्तुष्टि व्यक्त गरेका छन्।
उनले भनेका छन्, ‘समानुपातिक ४ सिटमा १ जना खस-आर्य र १ जना दलित मिलाउन सकिनेमा दुबै खस-आर्य नै पर्नु दलित नपारिनु !’
त्यस्तै, उनले पार्टीले राजसंस्थाको एजेन्डा उठाए पनि त्यसअनुसार व्यवहारिक प्रतिबद्धता नदेखाएको आरोप लगाएका छन्।
‘गरिमामय राजसंस्थालाई राजनीतिक भर्याङको रूपमा मात्र प्रयोग गरिएको छ,’ उनको भनाइ छ, ‘यसले राजसंस्था पुनःस्थापनाको आन्दोलनलाई नै कमजोर बनाएको छ।’
परियारले अध्यक्ष लिङ्देनप्रति संकेत गर्दै पार्टीभित्र इमानदार र देशभक्त कार्यकर्तामाथि विभेदपूर्ण व्यवहार गरिएको पनि उल्लेख गरेका छन्। उनका अनुसार नेतृत्व तहमा पक्षपात हाबी हुँदा संगठनभित्र असन्तोष बढ्दै गएको छ।
नेता परियारले त्यस्तोबेला राप्रपासँगको सम्बन्ध तोडे जतिबेला प्रतिनिधिसभा निर्वाचनमा पार्टीले बेहोरेको लज्जास्पद हारको नैतिक जिम्मेवारी अध्यक्ष राजेन्द्र लिङ्देनले लिन र चुनावी हारको समीक्षा गर्न चाहेका छैनन् ।
बरु, उनी हिमाली जिल्ला मुस्ताङतिर घुमफिरमा निस्किएका छन् । यसपछि असन्तुष्ट नेताहरूले धमाधम जिम्मेवारीबाट राजीनामा दिइरहेका छन् ।
काठमाडौं । गत भदौ २३ गते सुशासन र भ्रष्टाचार नियन्त्रणको मागसहित जेन-जी उमेर समूहका युवाहरु माइतीघरमा जम्मा भए।
बिहान ९ बजे माइतीघरमा जम्मा भएका युवाहरुको प्रदर्शन दिउसो १२ बजेतिर बानेश्वरको एभरेष्ट होटेलबाट आक्रामक रुपमा अगाडि बढ्यो ।
नेपाल प्रहरीको ब्यारिगेट ताेडेर प्रदर्शनकारीहरु संसद भवन पुगे । प्रदशर्नकारीहरु निकै आक्रामक बनेका थिए । उनीहरुले संसद भवन क्षेत्रमा प्रदर्शन गरे । त्यतिबेलासम्म प्रदर्शन सुरक्षा निकायको नियन्त्रण बाहिर पुगिसकेको थियो।
पानीको फोहोरा, अश्रु ग्यासलाई मात दिएर बानेश्वर पुगेका युवाहरुको प्रदर्शन नियन्त्रणमा लिन प्रहरी बल प्रयोग गर्ने स्थितिमा पुग्यो र भदौ २३ को प्रदर्शनमा १९ जना निहत्या युवाहरुले सहादत प्राप्त गरे।
दलहरुको लामो समयदेखिको अकर्मण्यता र अपारदर्शी शासनशैलीका कारण भएको प्रदर्शनमा बल प्रयोग गरेको भन्दै तत्कालीन सरकार निकै दबाबमा पर्याे र सरकार नै विघटनको स्थितिमा पुग्यो।
२३ गतेको घटनाले गर्दा भोलिपल्ट २४ गते पुरै देश आक्रान्त बन्याे । देश आगोमय भयो। अर्थात् देशकाे सर्वोच्च निकाय सिंहदरबार (कार्यपालिका), सर्वोच्च अदालत (न्यायपालिका), संसद भवन (व्यवस्थापिका) लगायतका थुप्रै सार्वजनिक सम्पत्ति र व्यक्तिका निजी व्यापारिक प्रतिष्ठान र सम्पत्ति एकै दिनमा ध्वस्त पार्ने काम गरियो।
सुशासनको मागबाट सुरु भएको विद्रोहबाट नेपालको सत्ता नै उलटपुलट भयो। तत्कालिन प्रधानमन्त्री केपी ओली नेतृत्वको सरकार विघटन भयाे र सुशीला कार्कीको नेतृत्वमा अन्तरिम सरकार गठन गरियो।
अन्तरिम सरकारले लगत्तै पूर्वन्यायाधीश गौरीबहादुर कार्कीको संयोजकत्वमा भदौ २३ र २४ का सम्पूर्ण घटनाकाे जाँचबबुझ गर्न छानबिन आयोग गठन गर्याे । तीन महिना कार्यावधि पाएर काम थालेको आयोगको बिचमा पटकपटक म्याद थपियो। खैर, आयोगले आफ्नो प्रतिवेदन गत फागुन २४ मा सरकारलाई बुझायाे ।
यसबीचमा राजनैतिक दल, नागरिक समाज, तत्कालीन विद्रोही विभिन्न जेन-जी समूहलगायत आम मान्छेले सरकारसँग एउटा कुरा खोजिरहेका छन्,- ‘कार्की आयोगको पूरा प्रतिवेदन।’ अर्थात् भदौ २३ को नरसंहारको दोषी को थियो ? अनि भदौ २४ को विध्वंश कसले गरायो ?
अहिले कार्की आयोगको प्रतिवेदन सार्वजनिक नगरिएको भन्दै सरकारमाथि आलोचना र प्रश्नको वर्षा भइरहेको छ भने अर्कोतिर बढ्दो आलोचनाकाबीच सरकारले छानबिन प्रतिवेदन सार्वजनिक गर्ने अन्तिम गृहकार्य भइरहेको चर्चा छ।
सरकारले सार्वजनिक गर्ने प्रतिवेदन कस्तो होला ? आयोगले बुझाएको प्रतिवेदनका दोषी को-को होलान् ? २३ र २४ लाई छुट्टाछुट्टै राखेर अनुसन्धान गरिएको होला या दुवै दिनलाई सँगै राखेर अनुसन्धान गरिएको होला ? अथवा कार्की आयोगको प्रतिवेदनले २३ र २४ को घटनाका लागि क-कसलाई कारबाही सिफारिस गरेको होला ? प्रतिवेदन चासोको विषय बनेको छ।
माइतीघर मण्डलामा युवाहरू प्रतिवेदन माग्दै दैनिक प्रदर्शन गरिरहेका छन्। नेपाली कांग्रेसले औपचारिक रुपमै ८ चैतमा प्रतिवेदन सार्वजनिक गर्नुपर्ने भन्दै केन्द्रीय कार्यसमितिको बैठकबाट माग गरेको छ।
१ चैतमा गृहमन्त्री ओमप्रकाश अर्यालले ‘भोलि नै सार्वजनिक हुन्छ’ भनेको प्रतिवेदन हालसम्म सार्वजनिक भएको छैन। राजनैतिक दल, नागरिक समाज, जेन-जी समूहहरुले प्रतिवेदन सार्वजनिक गर्नुपर्ने माग गरिरहँदा सरकारले प्रतिवेदन किन ल्याउदैन ?
विभिन्न स्रोतहरू र संचारमाध्यमले लेखेअनुसार कार्की आयोगले तत्कालीन प्रधानमन्त्री केपी शर्मा ओली, तत्कालीन गृहमन्त्री रमेश लेखक र तत्कालीन प्रहरी महानिरीक्षक चन्द्रकुवेर खापुङलाई फौजदारी अपराधमा अनुसन्धान गर्न सिफारिस गरेको छ। उनीहरूलाई १०-२० वर्ष कैद सजायसहितको सिफारिस पनि प्रतिवेदनमा समावेश भएको बताइएको छ।
यसैगरि, सशस्त्र प्रहरीका आईजीपी राजु अर्याललाई ३ वर्ष कैद सिफारिस गरिएको छ। तत्कालीन गृहसचिव गोकर्णमणि दुवाडी, काठमाडौंका तत्कालीन प्रमुख जिल्ला अधिकारी छवि रिजाल तथा प्रहरी अधिकारी सिद्धिविक्रम शाहमाथि पनि कारबाही सिफारिस गरिएको बताइन्छ।
मानवअधिकार आयोगले यसअघि नै तत्कालीन प्रधानमन्त्री ओली, गृहमन्त्री लेखक, आईजीपी खापुङ र प्रधानसेनापति अशाेकराज सिग्देललगायतलाई कारबाहीको लागि सिफारिस गरेको थियो।
कार्की आयोगले कारबाहीको लागि सिफारिस गरेका यी व्यक्तिहरु २३ गतेको घटनाका जिम्मेवार हुन् भनेर बुझ्न त्यति कठिन छैन। उसो भए २४ गतेको विध्वंशको जिम्मेवार को हो ? कार्की आयोग यो विषयमा मौन देखिन्छ।
‘प्रदर्शनमा मेरो पूर्ण समर्थन छ’ भन्ने र २४ गते मध्ये दिउँसो ‘ऐक्यवद्वता व्यक्त गर्न आएँ’ भन्ने काठमाडौँ महानगरका तत्कालीन मेयर बालेन्द्र शाह ‘बालेन’ को भूमिकाका विषयमा कार्की आयोग किन मौन देखियो ? भदौ २४ को भोलिपल्ट बालेनले संसद् विघटन हुनुपर्छ भने- भयो पनि। वार्ता सेनासँग हुनुपर्छ भने- त्याे पनि भयो।
आन्दोलनमा नदेखिएको तर सामाजिक सञ्जालमा लेखिरहने एकजना मेयर एकै समयमा राष्ट्रपतिभन्दा शक्तिशाली कसरी भए ? नभए सरकार र संसद् नभएकाे बेला राष्ट्रपतिले गर्नुपर्ने वार्ता आह्वान एउटा मेयरले कसरी गरे ?
शीतलनिवासमा हुनुपर्ने वार्ता सेनाको मुख्यालयमा गराउने योजना कसको थियो ? कार्की आयोग २४ को घटनामा मौन छ।
राष्ट्रिय स्वतन्त्र पार्टीका सभापति रवि लामिछाने जेल तोडेर भागेको कुराकाे चर्चा कतै हुँदैन। अमेरिकी युथ काउन्सिल, टीओबी ग्याङलगायतका विषयमा नेपाली सञ्चारमाध्यमले कहीँ कतै केही लेख्दैनन् ।
२३ र २४ को घटनालाई छुट्टाछुट्टै राखेर कारबाही हुनुपर्छ र गरिनुपर्छ। २३ का घटनामा तत्कालीन पदाधिकारीहरु जिम्मेवार हुन् भने २४ को सिंहदरबार, सर्वोच्च अदालत, संसद् भवनलगायतका व्यक्तिका निजी सम्पत्ति जलाउने र व्यापारिक प्रतिष्ठान जलाउने कुराको जिम्मेवारी रवि र बालेनहरुले लिनुपर्छ।
होइन भने अघिल्लो दिन (भदौ-२३) शहीद बनेका १९ जनाको जिम्मा ओलीहरुको भागमा पर्ने हो भने पछिल्लो दिन २४ भदौमा शहिद बनेका ५७ जनाको जिम्मा कसले लिन्छ ? कि पहिला २३ भदौ आयो, त्यसपछि २४ भदौ आयो भन्दै बस्ने ? २३ भदौ पहिले आयो भन्ने सबैलाई थाहा छ। तर २४ भदौ कसले ल्यायो ? अर्थात् न्यूयाेर्क टाइम्सले सिंहदरबार जलाउन केमिकलको प्रयोग भयो भन्ने कुरा के हो ?
पहिले २३ भदौ आयो, १९ जना शहीद हुनुपर्याे । २३ भदौ २४ भदौको सबैभन्दा ठूलो कारण पनि बन्यो। तर २३ भदौ २४ भदौको एकमात्रै कारण होइन। २४ भदौमा करिब साढे ११ लाख नेपाली सडकमा आए।
त्यसको कारण हुनसक्छ- २३ भदौ। तर न्यायपालिका, कार्यपालिका र व्यवस्थापिका जलाउने भीडलाई २३ भदौ ज्ञात हुने कुरा थिएन। उनीहरु यति उद्देलित थिए कि प्रहरीलाई खोलामा दौडाएर पिटिरहेका थिए ।
उनीहरु उद्देलित थिएनन्, बनाइएको थियो पर्दा पछाडिबाट। २४ भदौको घटनाको जिम्मेवार त्यो पर्दा पछाडिको ग्याङ हो। पर्दा पछाडिको ग्याङ अर्थात्,- केही युट्युब च्यानल, केही फेसबुक पेज, केही टिकटक आईडी, केही अभियन्ता, केही पत्रकार, केही थान सांसद, केही थान नेता, तिनीहरुका निर्देशक र निर्देशकहरुलाई निर्देशन दिने ‘मौसुफहरु’।
छानबिन आयोगले पर्दा पछाडिको ग्याङको बारेमा पनि कुरा गरोस्।
काठमाडौ । देशका विभिन्न स्थानमा चार जना मृत फेला परेका छन् । नेपाल प्रहरीका अनुसार मकवानपुरकाे इन्द्रसरोवर गाउँपालिका-३ जातीपोखरीकी ९
वर्षीया लमिना वाईवा सोही ठाउँस्थित चुत्रोघारीडाँडाको भिर तल मृत फेला परेकी छन् । बुबा वीरेन्द्र वाईवाका अनुसार भिरदेखि चुत्राे टिप्न जाँदा लडेकाे बताएका छन् । प्रहरीले घटनाबारे अनुसन्धान थालेकाे छ ।
दाङकाे राप्ती गाउँपालिका-३ तल्लो मसुरिया बस्ने ५० वर्षीय राजु चौधरी सोही ठाउँस्थित कुलोमा मंगलबार मृत अवस्थामा फेला परेका छन् । उनी कुलाेमा लडेकाे हुन सक्ने प्रहरीले जनाएकाे छ ।
तेह्रथुमकाे फेदाप गाउँपालिका-२ नेवई बस्ने ४९ वर्षीय तारावीर लिम्बु सोही ठाउँस्थित घर्ते खोला नजिक मंगलबार मृत अवस्थामा फेला परेका छन् ।
यस्तै ललितपुर, गोदावरी नगरपालिका-५ लेले सिजापती गाउँ डेरा गरी बस्ने बैतडी घर भएका ३१ वर्षीय शैलेन्द्र धानुक आफ्नै कोठामा मंगलबार मृत अवस्थामा फेला परेका छन् । घटनाबारे प्रहरीले अनुसन्धान थालेकाे छ ।
काठमाडौं । नेपाल टेलिकम ले आफ्नो अन्तर्राष्ट्रिय सेवा विस्तार गर्दै डेनमार्क र दक्षिण कोरियामा समेत अन्तर्राष्ट्रिय भोल्टी रोमिङ सेवा सुरु गरेको छ।
मंगलबारदेखि लागू भएको उक्त सेवाका लागि टेलिकमले Telenor Denmark र SK Telecom सँग सम्झौता गरेको जनाएको छ।
टेलिकमका प्रवक्ता रविन्द्र मानन्धरका अनुसार यसअघि क्यानडा, अमेरिका, अष्ट्रेलिया, लक्जेमबर्ग, इजरायल र ताइवानमा उपलब्ध यो सेवा अब डेनमार्क र दक्षिण कोरियामा पनि विस्तार भएको हो। यससँगै अब कुल ८ देशमा अन्तर्राष्ट्रिय भोल्टी रोमिङ सेवा प्रयोग गर्न सकिने भएको छ।
अन्तर्राष्ट्रिय रोमिङमार्फत प्रयोगकर्ताले विदेशमा समेत नेपालकै जस्तो भ्वाइस, डाटा र एसएमएस सेवा प्रयोग गर्न सक्छन्। भोल्टी (Voice over LTE) प्रविधिमार्फत एचडी गुणस्तरको भ्वाइस कल गर्न सकिने टेलिकमले जनाएको छ।
यो सेवा प्रयोग गर्न मोबाइलमा भोल्टी सुविधा सक्रिय हुनुपर्ने र सेट पनि सो प्रविधि सपोर्ट गर्ने हुनुपर्नेछ। मोबाइलको स्क्रिनमा ‘HD’ वा ‘VoLTE’ देखिएमा सेवा उपलब्ध भएको बुझ्न सकिन्छ।
यदि सेवा सक्रिय नभएको अवस्थामा *444# डायल गरी ‘Activate VoLTE’ विकल्प छानेर सहजै सक्रिय गर्न सकिने टेलिकमले जनाएको छ।
काठमाडौं । एमडब्ल्युसी नेपालले बजारमा मोबाइल, ट्याब्लेटदेखि ल्यापटपसम्म फास्ट चार्ज गर्न चारवटा पावर बैंक सार्वजनिक गरेको छ।
आधुनिक प्रयोगकर्ताको आवश्यकतालाई ध्यानमा राख्दै कम्पनीले ल्याएका यी पावर बैंकहरू १०,००० एमएएचदेखि ५०,००० एमएएचसम्म क्षमताका छन् ।
जसमा ३५ वाटदेखि ६५ वाटसम्मको सुपर फास्ट चार्जिङ सपोर्ट उपलब्ध रहेको बताइएको छ। विशेषगरी उच्च क्षमताका मोडेलहरू ल्यापटप र म्याकबुक जस्ता डिभाइस चार्ज गर्न उपयुक्त मानिन्छन्।
लन्च अफरअन्तर्गत पहिलो ५० जना ग्राहकले थप पाँच सय रूपैयाँ छुटसहित यी पावर बैंक खरिद गर्न सक्ने कम्पनीले जनाएको छ।
एमडब्ल्युसी पावरस्टार एमएस१०के (१०,००० एमएएच – ३५ वाट) कम्प्याक्ट र हल्का डिजाइन भएको मोडेल हो, जुन दैनिक प्रयोगका लागि उपयुक्त मानिन्छ।
यसमा स्मार्ट डिजिटल डिस्प्ले, मल्टिपल चार्जिङ इन्टरफेस तथा एयर ट्राभल सेफ (सिसिसी अप्रुभ्ड) सुविधा रहेको छ।
यसको तौल १७४ ग्राम रहेको छ भने मूल्य तीन हजार ९१९ रूपैयाँ तोकिएकोमा अफर मूल्य दुई हजार ५१९ रूपैयाँ राखिएको छ।
त्यस्तै एमडब्ल्युसी पावरस्टार एमएस२०के (२०,००० एमएएच – ४५ वाट) मोडेलमा ४५ वाट सुपर फास्ट चार्जिङ, २०,००० एमएएच हाई–डेन्सिटी ब्याट्री, डिजिटल डिस्प्ले तथा मल्टिपल डिभाइस सपोर्ट उपलब्ध रहेको छ।
३३१ ग्राम तौल रहेको यस मोडेलको मूल्य पाँच हजार ४१९ रूपैयाँ तोकिएकोमा अफरअन्तर्गत तीन हजार ३१९ रूपैयाँमा उपलब्ध हुने कम्पनीले जनाएको छ।
प्रोफेशनल प्रयोगकर्तालाई लक्षित गर्दै ल्याइएको पावरपल्स एमपी३०के (३०,००० एमएएच– ६५ वाट) मोडेलले ल्यापटपसमेत सजिलै चार्ज गर्न सक्ने क्षमता राख्छ।
यसमा ६५ वाट अल्ट्रा फास्ट चार्जिङ, ३०,००० एमएएच लि–पोलिमर ब्याट्री, चारवटा चार्जिङ पोर्ट तथा पूर्ण सुरक्षा प्रणाली समावेश गरिएको छ।
यसको तौल ६६६ ग्राम रहेको छ भने मूल्य ६ हजार ९१९ रूपैयाँ तोकिएकोमा अफर मूल्य चार हजार ९१९ रूपैयाँ राखिएको छ।
सबैभन्दा शक्तिशाली मोडेल पावरपल्स एमपी५०के (५०,००० एमएएच–६५ वाट) लामो यात्रा तथा बढी प्रयोग गर्ने प्रयोगकर्तालाई लक्षित गरेर ल्याइएको हो।
यसमा ६५ वाट अल्ट्रा फास्ट चार्जिङ, ५०,००० एमएएच उच्च क्षमता, छवटा चार्जिङ इन्टरफेस तथा एड्भान्स सेफ्टी प्रोटेक्सन सुविधा उपलब्ध रहेको छ।
यसको तौल १,०७० ग्राम रहेको छ भने मूल्य नौ हजार ९१९ रूपैयाँ तोकिएकोमा अफर मूल्य ६ हजार ४१९ रूपैयाँ राखिएको कम्पनीले जनाएको छ।
कम्पनीका अनुसार यी पावर बैंकहरूमा मोबाइलदेखि ल्यापटपसम्म फास्ट चार्ज गर्ने क्षमता, स्मार्ट डिजिटल डिस्प्ले, मल्टिपल डिभाइस एकैपटक चार्ज गर्ने सुविधा, सुरक्षित तथा एयर ट्राभल फ्रेन्डली डिजाइन जस्ता विशेषता समावेश छन्।
काठमाडौं । राष्ट्रिय जनमोर्चाका महासचिव मनोज भट्टले राष्ट्रिय स्वतन्त्र पार्टी (रास्वपा) अमेरिकाको प्रभावमा स्थापना भएको आरोप लगाएका छन्।
उनले रास्वपा अमेरिकाको फन्डिङ र प्रभावमा बनेको दाबी गर्दै पार्टीका गतिविधिहरूमा स्पष्ट वैचारिक धार देखिन नसकेको टिप्पणी गरे। ‘रास्वपाका गतिविधि हेर्दा एमसीसी होस् वा परराष्ट्र नीति, कुनै पनि विषयमा स्पष्ट दृष्टिकोण देखिँदैन,’ उनले भने।
भट्टले अमेरिकाले नेपालमा आफ्ना स्वार्थ पूरा गर्न नयाँ राजनीतिक विकल्प खोजिरहेको दाबी पनि गरे। उनका अनुसार नेपाली कांग्रेस, एमाले र नेकपा बाट पूर्ण रूपमा आफ्ना उद्देश्य पूरा नहुने ठानेर अमेरिकाले नयाँ शक्ति निर्माणमा भूमिका खेलेको हो।
यद्यपि, उनले ती पुराना दलहरू पनि अमेरिकी प्रभावभन्दा बाहिर नरहेको बताए। ‘ती दलहरूले एमसीसी पारित गरे, सुरुमा एसपीपी स्वीकार गरे र पछि अस्वीकार गरे,’ उनले भने, ‘यसले उनीहरू अमेरिकाको नीतिबाट पूर्ण रूपमा अलग छैनन् भन्ने देखाउँछ।’
भट्टले कांग्रेस, एमाले र माओवादी तीनै दल एक चीन नीतिको पक्षमा रहे पनि अमेरिकासँगको सम्बन्धमा सन्तुलन खोज्ने प्रयासमा रहेको टिप्पणी गरे। ‘ती दलहरू अमेरिकाले भनेका कुरा मान्छन्, तर एक चीन नीतिविरुद्ध जान चाहँदैनन्,’ उनले बताए।
काठमाडौं । चार ब्याटरले अर्धशतक बनाएपछि नेपाल पुलिस क्लबले प्रधानमन्त्री कप एकदिवसीय क्रिकेट प्रतियोगितामा सानदार जित निकाल्दा बागमती प्रदेशले पनि पहिलो सफलता आत्मसात गरेको छ ।
मुलपानीमा मंगलबार भएको खेलमा पुलिसले विभागीय डर्बीमा एपिएफ क्लबमाथि एक सय ८५ रन र बागमतीले गण्डकी प्रदेशलाई एक सय ७० रनले हराएका हुन् ।
समान दुई खेलबाट बामती र पुलिसले पहिलो जित आत्मसात गरे ।ओपनर दिनेश खरेल, शंकर राना, कप्तान आरिफ शेख र दिलसाद अली गरी चार ब्याटरले अर्धशतक पूरा गरेपछि पुलिस प्रधानमन्त्री कपमा अहिलेसम्मको सर्वाधिक ३५५ रनकाे ठूलो योगफल बनाउन सफल भयो, त्यो पनि बलियो एपिएफविरुद्ध ।
यसअघि एपिएफले सन् २०१८ को प्रधानमन्त्री कपमा मधेस प्रदेशविरुद्ध तीन सय ३९ रनको योगफल बनाएको थियो । मुलपानी क्रिकेट मैदानमा पुलिसले कीर्तिमान तीन सय ५६ रनको लक्ष्य दियो । दबाबमा परेको एपिएफ ४४ औं ओभरमा एक सय ७० रनमा नै अलआउट हुन पुग्यो ।
रोहितकुमार पौडेलको कप्तानीमा रहेको एपिएफ २२.१ ओभरमा ७१/७ को कमजोर अवस्थामा थियो । पुछारका ब्याटर नन्दन यादवले नटआउट ४४ रन र कमलसिंह ऐरीले ३५ रन बनाए । यससँगै एपिएफले १५० रनको आँकडा पार गरेको हो । नन्दनले ५५ बलमा समान तीन चौका र छक्का प्रहार गरे ।
कमलले ३२ बलमा दुई चौका र तीन हिर्काए । नवौं विकेटका लागि कमल र नन्दनबीच ४९ रनको साझेदारी भयो । कप्तान रोहित ११, ओपनर आसिफ शेख १८, सन्दीप जोरा २४ र पुरन विक २० रनमा आउट भए । पुलिसको बलिङमा स्पिनर ललित राजवंशीले तीन तथा करण केसी, रासिद खान र दिनेशले समान दुई विकेट लिँदै एपिएफको इनिङ धरासयी बनाए । सागर ढकालको नाममा एक विकेट रह्यो ।
त्यसअघि टस हारेर पहिले ब्याटिङ गरेको पुलिसले पूरै ओभरमा ९ विकेटको क्षतिमा तीन सय ५५ रनको कीर्तिमान योगफल बनाएको थियो । पहिलो ओभरमै अनुभवी ब्याटर कुशल भुर्तेललाई ४ रनमा गुमाएपछि पुलिसको सुरुआत सुखद भएन ।
सुरुमै विकेट पतन भए पनि पुलिसले आक्रामक ब्याटिङ गर्याे । ओपनर दिनेशले ५२ बलमा ६० रन बनाए । उनको इनिङमा ६ चौका र चार छक्का रह्यो । उनी म्यान अफ दी म्याच पनि भए । उनले दुई विकेटसँगै तीन वटा क्याच पनि लिएका थिए ।
शंकरले ६१ रन बनाए । उनले ५४ बलको सामना गरेर पाँच चौका र चार छक्का प्रहार गरे । कप्तान आरिफ ४२ बलमा ५० र रासिद खानले ४२ बलमा ४४ रन बनाए ।
विकेटकिपर दिलशाद ३० बलमा ५१ रनमा अविजित रहे । उनले पाँच चौका र तीन छक्का प्रहार गरे । एपिएफको बलिङमा कमलसिंह र अमरसिंह राउटेलाले समान दुई तथा कप्तान रोहित, नन्दन र युवराज खत्रीले समान एक विकेट लिए पनि महँगा सावित भए । पहिलो खेलमा त्रिभूवन आर्मी क्लवसँग पराजित भएको पुलिसले दुई खेलबाट दुई अंक जोड्दा
एपिएफको पनि दुई खेलबाट दुई अंक भएको छ । एपिएफले पहिलो खेलमा वागमतीलाई हराएको थियो ।
इशानको अलराउण्डमा बागमती विजयी
तल्लो मुलपानी क्रिकेट मैदानमा बागमतीले दुई सय ९५ रनको विशाल लक्ष्य दियो । जबाफी ब्याटिङ गरेको गण्डकी ३१.५ ओभरमा एक सय २४ रनमै अलआउट भयो ।
खराब सुरुआत गरेको गण्डकीका ओपनर अर्जुन कुमालले ७० रन र सातौं नम्बरका ब्याटर सुवास भण्डारीले २९ रन बनाए । अन्य ब्याटर दोहोरो अंकमा रन जोड्न सकेनन् र गण्डकी सस्तैमा अलआउट भयो । गण्डकीका ६ जना ब्याटर खाता नै खोल्न असफल भए । ३६ रन जोड्दा गण्डकीका पाँच ब्याटर पभेलियन फर्किसकेका थिए ।
छैटौं विकेटका लागि अर्जुन र सुवासले ७१ रनको साझेदारी गर्दै इनिङ समाल्ने प्रयास गरे । २५औं ओभरमा सुवास रनआउट हुन पुगे । सुवास खत्रीले उनलाई रनआउट गरेका हुन् । सुवासले ४८ बलमा समान एक चौका र छक्का प्रहार गरे ।
लगातार विकेट पतन भए पनि अर्जुनले एक छेउबाट इनिङ समाले । ३२औं ओभरमा बागमतीका कप्तान सन्दीप लामिछानले अर्जुनलाई बोल्ड गरेपछि गण्डकीको दशौं विकेट पतन भएको हो । अर्जुनले ९० बलमा ११ चौका हिर्काए ।
बागमतीको बलिङमा रिजन ढकालले तीन तथा सन्दीप र इशान पाण्डेले समान दुई विकेट लिए । अलराउन्ड प्रदर्शन गरेका इशान म्यान अफ दी म्याच भए । दयानन्द मण्डल र सुवास खत्रीको नाममा एक विकेट रह्यो ।
त्यसअघि टस हारेर पहिले ब्याटिङ गरेको बागमतीले पूरै ओभरमा आठ विकेटको क्षतिमा दुई सय ९४ रनको योगफल बनायो । शीर्ष चार ब्याटरको साथ पाएपछि बागमतीले राम्रो योगफल बनाएको हो ।
ओपनर आशुतोष घिरैया र इशान पाण्डेले अर्धशतकीय योगदान दिए । इशानले ७१ रन र आशुतोषले ५९ रन बनाए । अर्का ओपनर शुभ कंसकार २८ बलमा ४४ रन जोडे । ६१ बल खेलेका इशानको इनिङमा चार चौका र दुई छक्का रह्यो ।
आशुतोषले ८७ बलमा ९ चौका प्रहा गरे । शिभम् तिवारी १८ रनमा, उत्तम थापामगर ३० र विवेक रानामगर २७ रनमा आउट भए । कप्तान सन्दीप लामिछाने २६ रनमा अविजित रहे ।
गण्डकीको बलिङमा कमल परियारले दुई तथा विपिन खत्री, अंकित न्यौपाने, सिबरिन श्रेष्ठ र सुवास भण्डारीले समान एक विकेट लिए । दुई खेलबाट वागमतीको दुई अंक जोड्दा गण्डकीले हारबाट प्रतियोगिता शुरु गरेको छ ।
काठमाडौं । सरकारले जेन-जी आन्दोलनका घटनाबारे छानबिन आयोगको प्रतिवेदन सार्वजनिक गर्ने अन्तिम तयारी थालेको छ।
प्रतिवेदन गोप्य राखिएको भन्दै बढ्दो आलोचनामाबीच सरकारले यसलाई सार्वजनिक गर्ने प्रक्रिया अघि बढाएको हो।
उच्च सरकारी स्रोतका अनुसार प्रधानमन्त्री सुशीला कार्की प्रतिवेदन सार्वजनिक गर्नुअघि केही वरिष्ठ मन्त्रीहरूसँग अन्तिम चरणको आन्तरिक छलफलमा छिन्।
सो छलफलले प्रतिवेदन सार्वजनिक गर्ने मिति टुंगो लगाउने बताइएको छ। सरकारका एक शीर्ष अधिकारीले प्रतिवेदन ‘आजभोलिमै’ सार्वजनिक हुनसक्ने जानकारी दिए।
गत भदौ २३ र २४ मा भएको जेन-जी आन्दोलनका क्रममा भएका घटनाको छानबिनका लागि गठित गौरीबहादुर कार्की नेतृत्वको आयोगले फागुन २४ गते प्रतिवेदन सरकारलाई बुझाएको थियो।
सो दिन नै आयोगका सदस्य तथा प्रवक्ता विज्ञानराज शर्माले यो प्रतिवेदन विगतका मल्लिक वा रायमाझी आयोगजस्तै बेवास्ता नहुने बताएका थिए।
१ चैतमा बसेको मन्त्रिपरिषद् बैठकले प्रतिवेदन ग्रहण गर्ने निर्णय गरे पनि गृहमन्त्री ओमप्रकाश अर्यालले ‘भोलि नै सार्वजनिक हुन्छ’ भनेको प्रतिवेदन हालसम्म सार्वजनिक भएको छैन। यसबीच जेन-जी आन्दोलनका अगुवा तथा जवाफदेही निगरानी समूहले प्रतिवेदन सार्वजनिक गर्न निरन्तर दबाब दिँदै आएका छन्। माइतीघर मण्डलामा युवाहरू दैनिक प्रदर्शन गरिरहेका छन्।
नेपाली कांग्रेसको चैत ८ गतेको केन्द्रीय समिति बैठकले पनि प्रतिवेदन तुरुन्त सार्वजनिक गर्न सरकारलाई माग गरेको थियो। चौतर्फी दबाबका बीच चुनाव सम्पन्न गराएको अन्तरिम सरकारले नयाँ सरकार गठन हुनु अघि नै प्रतिवेदन सार्वजनिक गर्ने तयारी गरेको स्रोत बताउँछ।
स्रोतहरूका अनुसार कार्की आयोगले तत्कालीन प्रधानमन्त्री केपी शर्मा ओली, तत्कालीन गृहमन्त्री रमेश लेखक र तत्कालीन प्रहरी महानिरीक्षक चन्द्रकुवेर खापुङलाई फौजदारी अपराधमा अनुसन्धान गर्न सिफारिस गरेको छ। उनीहरूलाई १०-१० वर्ष कैद सजायसहितको सिफारिस प्रतिवेदनमा समावेश भएको बताइएको छ।
यसैगरी सशस्त्र प्रहरीका तत्कालीन आईजी राजु अर्याललाई ३ वर्ष कैद सिफारिस गरिएको छ। तत्कालीन गृहसचिव गोकर्णमणी दुवाडी, काठमाडौंका तत्कालीन प्रमुख जिल्ला अधिकारी छवि रिजाल, तथा प्रहरी अधिकारी सिद्धिविक्रम शाहमाथि पनि कारबाही सिफारिस गरिएको छ।
सशस्त्र प्रहरी र राष्ट्रिय अनुसन्धान विभागका केही अधिकारीहरूमाथि विभागीय कारबाहीको सिफारिस पनि प्रतिवेदनमा रहेको बताइएको छ।
काठमाडौँ । अमेरिकाले इरानसँग वार्ता प्रक्रिया अघि बढाएकाे छ । त्यसका लागि अमेरिकाले मुद्दा (एजेन्डा) हरूको सूची पठाएको छ । बीबीसीकाे अमेरिकी साझेदार सीबीएस न्यूजको रिपोर्ट अनुसार मध्यस्थकर्ताहरूमार्फत अमेरिकाले छलफलका लागि इरानललाई एजेण्डाहरु पठाएकाे हाे ।
इरानी विदेश मन्त्रालयका एक वरिष्ठ अधिकारीका अनुसार इरानले अहिले ती प्राप्त एजेन्डाहरूको समीक्षा गरिरहेको छ। यद्यपि, यो कदम वार्ताको एउटा सम्भावित प्रारम्भिक खुड्किलो मात्र भएको र हालसम्म कुनै पनि औपचारिक वार्ता पक्का भइनसकेको रिपोर्टमा उल्लेख छ।
हालै अमेरिकी राष्ट्रपति डोनाल्ड ट्रम्पले अमेरिका र इरानबीच युद्ध अन्त्य गर्ने विषयमा कुराकानी भएको दाबी गरेका थिए। तर, इरानले भने ट्रम्पको उक्त दाबीलाई तत्कालै खण्डन गर्दै कुनै पनि वार्ता नभएको बताएको थियो।
काठमाडौं। प्रतिनिधिसभाका नवनिर्वाचित सांसदहरूको शपथग्रहण तयारीसँगै राष्ट्रिय स्वतन्त्र पार्टी (रास्वपा) भित्र सभामुख चयनको चासो बढेको छ।
पार्टीभित्र हाल पाँच जना सम्भावित उम्मेदवारको नाम चर्चामा छन्। नयाँ सभामुखका लागि मुख्य चुनौती दलीय आबद्धताबाट अलग रहनुपर्ने संवैधानिक आवश्यकतालाई पूरा गर्ने योग्य व्यक्ति खोज्नु हो।
सुरुमा उपसभापति डिपी अर्याल (डोलप्रसाद) को नाम सभामुखमा चर्चामा थियो। उनी सन्तुलित नेतृत्वको छवि राख्ने र पार्टी नेतृत्वको विश्वासपात्र मानिने नेताहरूको सूचीमा थिए।
अर्याल दुई पटक श्रम, रोजगार तथा सामाजिक सुरक्षा मन्त्री भइसकेका छन् र अहिले काठमाडौं-९ बाट प्रत्यक्ष निर्वाचित सांसद हुन्।
तर, दलीय गतिविधिबाट अलग रहनुपर्ने भएकाले पार्टीकाे निर्णयमा उनी अनुपस्थित हुन सक्ने संभावना देखिएपछि अन्य नाममा छलफल अघि बढेको नेताहरूले बताएका छन्।
सदस्य दीपक बोहरा पनि सम्भावित सभामुखका रूपमा चर्चामा छन्। उनी पार्टी सचिवालय सदस्य भए पनि हाल पार्टीमा परिभाषित भूमिका छैन।
केही समयअघि सहकोषाध्यक्ष रहेकाले नेतृत्वनजिक कार्यसम्पादन गरेको र विश्वास अर्जन गरेको कारण उनको नाम सूचीमा आएको हो। बोहरा कञ्चनपुर-२ बाट प्रत्यक्ष निर्वाचित सांसद हुन्।
युवा अनुहारको खोजीमा सहप्रवक्ता प्रतिभा रावलको चर्चा बलियो भएको छ। उनी समानुपातिक सांसद र पार्टी सभापति रवि लामिछानेको सचिवालय सदस्य पनि हुन्।
पत्रकारिता पृष्ठभूमि भएकी रावल पार्टीको शुरुवातदेखि आबद्ध रहेकी हुन् र पार्टीभित्र विश्वासपात्र मानिन्छन्। भनिन्छ, सभामुखको भूमिकाका लागि उनको सम्भावना सबैभन्दा बलियो बनेको छ।
त्यस्तै, सोबिता गौतम र पूर्वउपसभामुख इन्दिरा रानामगर पनि सम्भावित उम्मेदवारमा छन्। तर उनीहरू दुवै मन्त्री पदमा जाने संभावना भएकोले सभामुखमा पूर्ण रूपले फोकस गर्न सक्ने कुरा निश्चित छैन।
गौतमको चर्चा कानुनमन्त्रीको रूपमा भइरहेको छ भने रानामगर महिला, बालबालिका तथा ज्येष्ठ नागरिक मन्त्री बन्ने सूचीमा छन्।
पार्टी वरिष्ठ नेता जगदीश खरेलको नाम पनि सम्भावित सभामुखमा छलफलमा आएको छ। उनको चर्चा वरिष्ठ नेता बालेन शाहको समूहबाट उठेको हो।
प्रतिनिधिसभाको पहिलो बैठक वैशाख ४ भित्र बस्नुपर्ने संविधान अनुसार नयाँ सभामुख र उपसभामुख वैशाख १९ भित्र चयन हुने अपेक्षा गरिएको छ।
रास्वपा केन्द्रीय समितिको बैठक चैत १२ मा बस्नेछ, जसले दलको नेता चयन प्रक्रिया अघि बढाउनेछ। यस क्रममा सभामुखको नाममा सहमति जुटाउन नेताहरू सक्रिय छन्।
राजीनामा किन ?
निर्वाचनलगत्तै मैले राजीनामा दिन चाहेको थिएँ। तर केही प्राविधिक प्रक्रियाहरूका कारण तत्काल राजीनामा दिन सकिएन। मैले कुनै हतारमा वा आवेगमा राजीनामा दिएको होइन, न त राहतको अनुभूति गरेर नै यस्तो कदम उठाएको हुँ। जसले मत माग्नुभयो वा जसले मतदान गर्न जानुभयो, तिनका टिप्पणीहरू मेरा लागि स्वाभाविक रूपमा प्राथमिकतामा पर्थे तर त्यो समय मेरो मुख्य चासो संगठनात्मक जिम्मेवारी पूरा गर्नु थियो।
२०८२ फागुन २१ गते सम्पन्न प्रतिनिधिसभा निर्वाचनको परिणामको जिम्मेवारी स्वीकार गर्दै मैले फागुन महिनामै राजीनामाको तयारी गरेको थिएँ। नेपाली कांग्रेसको चैत ३ गते बसेको केन्द्रीय समिति बैठकपछि पार्टीको विधानअनुसार पार्टी सभापतिले राजीनामा दिन चाहेमा उपसभापतिसमक्ष दिने व्यवस्था छ र उपसभापतिले नै त्यसबारे निर्णय लिनुपर्ने प्रावधान हुन्छ। त्यसैले मैले विधिपूर्वक कुनै हतारोबिना, राजीनामा अघि बढाएको हुँ।
फागुन २१ गतेको प्रतिनिधिसभा निर्वाचनमा हामी गएको अवस्थामा हामीले विशेष महाधिवेशन नगरिकनै निर्वाचनको सामना गर्नुपरेको थियो। हामी निर्वाचित हुन नसके पनि प्रतिस्पर्धा गरेको १६६ जना उम्मेदवारमध्ये धेरैले राम्रो बुझाइ र साथ दिएका थिए। निर्वाचित हुन नसकेका तर मेहनतपूर्वक लडेका ती सबै उम्मेदवारलाई म सम्मानका साथ स्मरण गर्छु।
निर्णय गर्ने बेला म एकछिन अलमलिएको अवश्य हुँ तर कसैको दबाब वा भयमा परेर राजीनामा गरेको होइन। किनभने नेतृत्व ग्रहण गरेपछि जवाफदेहिता लिने मेरो कर्तव्य हो। जसले मत माग्नुभयो वा मतदान गर्न जानुभएन, दुबै पक्षका भावनालाई सम्मान गर्दै मैले आफ्नो भूमिकाको मूल्यांकन गरेको हुँ। राजीनामा गरेपछि पनि अतिनै प्रतिकूल अवस्थामा पार्टीका लागि समर्पित भएर काम गर्ने साथीहरूको सुझाव र रायहरू मेरा लागि सदैव शिरोमान रहनेछन्।
मैले राजीनामा गर्ने निर्णय बनाएपछि पहिलोपटक औपचारिक रूपमा उपसभापति, महामन्त्रीलगायत नेतासँग निरन्तर छलफल गरिरहेँ। अनौपचारिक रूपमा पनि म निरन्तर संगठनका जिम्मेवारहरूसँग संवादमै थिएँ।
यसअघि रहेको समितिका सभापति आदरणीय शेरबहादुर देउवाजीको हस्ताक्षरमा समानुपातिक उम्मेदवारको सूची निर्वाचन आयोगमा बुझाइसकिएको थियो। बिचमा विशेष महाधिवेशन नभएको हुनाले हामीले नै उम्मेदवार छनोट गरेर बुझाउनु पर्ने दायित्व थियो। सो व्यवस्था पूरा गर्नु नेतृत्वको जिम्मेवारी भएकाले ती प्रक्रियाहरू सकेर मात्रै म औपचारिक रूपमा राजीनामा गर्न सक्दथेँ।
अन्तत मैले यो निष्कर्ष किन निकालेँ भने-यो जवाफदेहिताको विषय थियो। हामी गएर केही गर्न सक्थ्यौँ कि? समय बढी पाएकाे भए परिणाम फरक पर्थ्यो कि? यस्ता प्रश्नहरू गम्भीर रूपमा आत्मसमीक्षा गरेपछि नै म यो निर्णयमा पुगेको हुँ।
तर, अन्तिममा स्पष्ट भन्न चाहन्छु। म नेपाली कांग्रेसको सभापति हुँ, यो टिमको कप्तान हुँ, र मेरो नेतृत्वमा भएको परिणामको वास्तविक जिम्मेवारी लिनु मेरो कर्तव्य नै हो। त्यसैले प्राविधिक, संगठनात्मक र वैधानिक पक्ष पूरा गरेर राजीनामा प्रक्रियामा अघि बढेको हुँ।’
भ्रष्टाचारसँग जोडिएका प्रकरण छानबिनबारे
यदि कसैले अवैध रूपमा सम्पत्ति आर्जन गरेको छ, गलत कमाइ गरेको छ भन्ने प्रस्ट प्रमाण देखिन्छ भने त्यस सम्पत्ति जफत हुनुपर्छ। हामी यही मान्यतामा छौँ। हामीले सरकार चलाउने अवसर पायौँ भने छ महिनाभित्रै सम्पत्ति छानबिन आयोग गठन गरेर काम अघि बढाउनेछौँ भनेर भनेका थियौँ । राष्ट्रिय स्वतन्त्र पार्टीले पनि त्यही भन्यो र उसले भनेको छ हामी आयोग बनाउछौँ, छानबिन गर्छौं र दोषी देखिएमा कारबाही गर्छौं। यी जति पनि काण्डहरु छन्, चाहे त्यो गिरिबन्धु होला, ललिता निवास होला, वाइडबडी होला वा भाद्र २४ गते घरमा जलेको रकम होला। यी सबै विषयहरुका सन्दर्भमा अनुसन्धान हुनुपर्छ।
वि.सं. २०८२ सालपछि नयाँ अध्याय सुरु हुन्छ । हामी सबैले नयाँ दिशातर्फ अघि बढ्नुपर्छ। यो एउटा ‘कट अफ प्वाइन्ट’ हो तर २०८२ भन्दा अघिका कुराहरुलाई हामी कसरी हेर्छौं त ? २०८२ भन्दा अगाडीका कुरालाई पनि टुंग्याउनुपर्छ अब।
२०४६ सालको जनआन्दोलनपछि २०४८ सालमा नयाँ सरकार गठन भयो। त्यसपछिका २५ वर्षमा २०४८ देखि २०८२ सम्म विभिन्न सरकारले नेतृत्व गरेका छौँ। २०४६ सालयता सार्वजनिक भूमिकामा बसेका प्रत्येक व्यक्तिको सम्पत्ति छानबिन गर्ने। यदि यो अवधिमा कसैले गलत तरिकाबाट सम्पत्ति आर्जन गरेको छ भने त्यो जफत गर्ने। अब आउने सरकारले छानबिन आयोग बनाउनुपर्छ। हाम्रो साथपनि रहन्छ- माग पनि रहन्छ।
२०४६ सालदेखि यहाँसम्म आइपुग्दा करिब ३५ वर्ष भयो। यो ३५ वर्षको अवधिमा थुप्रै राम्रो काम पनि भएका छन्। थुप्रै अवरोध पनि आए। यो बिचमा हामीले यत्रो ठूलो हिंसा देख्यौँ, द्वन्द्व देख्यौँ । राजनीतिक संक्रमण पनि देख्यौँ। अधिनायकवादी शासन देख्यौँ। त्यसको प्रतिरोधको राजनीति देख्यौँ। संविधान निर्माणको लामो संक्रमण काल देख्यौँ। थुप्रै कुराहरु हामीले बेहोरेका छौँ। तर यही ३५ वर्षको अवधिमा नागरिकहरूको मनमा एउटा ठूलो प्रश्न के रह्यो भने- शासकीय स्वरुपको ठूलो दुरुपयोग भयो। सार्वजनिक ओहदामा बस्नेहरुले शासकीय स्वरुपको दुरुपयोग गरे। सार्वजनिक पदको दुरुपयोग गरे। र यो दुरुपयोग भएको कुरा थुप्रै काण्डहरुसँग जोडिएको छ।
हामी सुन्छौँ- यो काण्ड, त्यो काण्ड भनेर। यसमा नेपाली कांग्रेसको आधिकारिक धारणा स्पष्ट छ- यी काण्डहरु अब सार्वजनिक खपतको विषय हुनुहुँदैन र आरोप प्रत्यारोपको विषय पनि हुनुहुन्न। यो दूधको दूध पानीको पानी हुनुपर्छ। यसको भारी कुनै अमुक वा कुनै पार्टीले पनि बोक्ने होइन। जसले गरेको छ- उसले यसको भारी बोक्नुपर्छ। नेपाली कांग्रेसले प्रष्ट रुपमा यो विचार राखेर जानुपर्छ।
नेपालको राजनीति सफा गर्ने संकल्पमा नेपाली कांग्रेसको नेतृत्व पूर्णरूपमा प्रतिबद्ध छ।
निर्वाचनमा पार्टीको हारबारे
नेपाली कांग्रेसको एउटा क्रियाशील सदस्यका रूपमा चुनाव जिताउनका लागि समर्पित भएर लाग्ने प्रतिज्ञा हामी सबैले गर्छौँ। विशेष महाधिवेशनपछि केही नेताहरूमा असन्तुष्टि थियो, यो पनि म स्वीकार गर्छु। पार्टीको विशेष महाधिवेशन सम्पन्न भएपछि हामीले एक दिनमा १ सय ६५ जना उम्मेदवार चयन गर्याेँ । उम्मेदवार चयन गर्दा त्यतिबेला हामीसँग उपलब्ध सूचना, ग्राउन्ड-वर्क र पार्टी विधानअनुसार नै निर्णय गरिएको थियो। त्यो निर्णयमा सबैले पूर्ण सन्तुष्टि नहुनु स्वाभाविक हो, त्यसलाई म सम्मान गर्छु।
उम्मेदवार नबन्नुका कारण वैयक्तिक असन्तुष्टि हुनु पनि सामान्य कुरा हो। मप्रतिको गुनासो होला, निर्णयप्रतिको गुनासो होला। तर गत निर्वाचनमा नेपाली कांग्रेस पार्टीको तर्फबाट पार्टीको रुख चिन्ह लिएर उम्मेदवार बनेका व्यक्तिलाई न त मत दिएका छौँ, न त मत मागिएको छ। नेपाली कांग्रेसको सदस्यता लिने व्यक्तिले एउटा शपथ लिएर सदस्यता लिएको हुन्छ कि म नेपाली कांग्रेसबाट बन्ने उम्मेदवारलाई जिताउन समर्पित भएर लाग्नेछु।
तर पार्टीको सदस्यले लिएर गएको प्रतिज्ञा चुनावमा कार्यान्वयन भएन । यसबारे गुनासो उठ्नु पनि स्वाभाविक छ। तर रुख चिन्ह लिएर गएका उम्मेदवारलाई मत नमाग्ने- मत नहाल्ने कुरालाई मैले पार्टी सभापतिका रुपमा नोटिसमा राख्नुपर्छ।
कुनै नेता कुनै निर्वाचन क्षेत्रमा पाँच पटक, छ पटक, चार पटक वा तीन पटकसम्म उम्मेदवार बन्नुभएको छ । यो पटक पनि उम्मेदवार बन्न चाहना व्यक्त गर्नुभयो । उम्मेदवार बन्ने- अघिल्लोपटक बन्नुभयो यो पटक बन्नुभएन। पार्टी हो कहिले को बन्छ को बन्दैन। म अहिले सभापति छु- अर्को पटक नेपाली कांग्रेसको तर्फबाट मा उम्मेदवार नै नबन्ने पनि हुनसक्ला। यो पटक बने। निर्णय गरेरै उपसभापति विश्वप्रकाश शर्मा, पुष्पा भुसाल उम्मेदवार बन्नुभएन। हामी पार्टीको काम गर्छौँ भन्नुभयो। तर ५/६ पटक त्यही निर्वाचन क्षेत्रबाट निर्वाचन लडेको नेता यो पटक कार्यकर्ता सघाउन निर्वाचन क्षेत्रमा टेक्नु पर्दैन? मत माग्नु पर्दैन ? त्यो मैले सम्झाउनुपर्छ ? त्यो यसको पक्ष, त्यसको पक्षले निर्धारण गर्छ ? गर्दैन। तर यसका बारेमा पनि म कुनै पूर्वाग्रह राख्दिनँ। पार्टीको अनुशासन विभागले विधिसम्मत तरिकाले काम गर्छ।
विशेष महाधिवेशनबाट आएको नयाँ नेतृत्वले आफ्नो जिम्मेवारी निर्वाह गर्दै पार्टीको निर्णय अनुसार निर्वाचन कार्य सम्पन्न गर्यो। परिणामबारे धेरै कुरा भइसकेका छन्, र समयक्रममा त्यसबारे फेरिफेरि बहस गरेर लाभ हुँदैन। आगामी नियमित महाधिवेशन र संगठनात्मक प्रक्रियाबाट नै यसको समुचित मूल्यांकन हुनेछ। यो गाडी अगाि बढ्यो अब। यो गाडीमा कोही छुट्नुहुन्न। सबैलाई समेटेर लाने हो। तर कोही छुट्छु भन्नुहुन्छ भने त्यो मेरो कुरा होइन।’
काठमाडौं । सिंहदरबारस्थित निर्माणाधीन प्रतिनिधिसभाको बहुउद्देश्यीय भवनमा नवनिर्वाचित सांसदहरूको शपथ ग्रहण हुने भएको छ ।
शपथ ग्रहण बिहीबार हुँदैछ । ज्येष्ठ सदस्यका रुपमा नेपाली कांग्रेसका सांसद अर्जुननरसिंह केसीले नवनिर्वाचित सांसदहरूलाई पद तथा गोपनीयताको शपथ ग्रहण गराउने भएका छन् ।
त्यसअघि उनले राष्ट्रपति रामचन्द्र पौडेलसामु शपथ ग्रहण गर्नेछन् ।
काठमाडौं । श्रम संस्कृति पार्टीका अध्यक्ष तथा प्रतिनिधिसभा सदस्य हर्क साम्पाङले प्रधानमन्त्रीमा राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाहलाई स्वीकार गर्ने बताएका छन् ।
केही दिनअघिसम्म प्रधानमन्त्रीमा रास्वपाले सभापति रवि लामिछानेलाई नै बनाउनुपर्ने बताउने साम्पाङले मङ्गलबार काठमाडौंमा सञ्चारकर्मीहरूसँग भने बालेन्द्रलाई स्वीकार्ने बताएका हुन् ।
उनले बालेनको नाम नलिइकन भने, ‘जनताले चुन्नुभयो । जनता नै सार्वभौम हुन्छ । जनताले जसलाई चुन्नुभयो, उसलाई मान्नुको विकल्प छैन ।’
साम्पाङले बालेन संसदप्रति जवाफदेही नहुन सक्नेतर्फ भन्दै रविलाई प्रधानमन्त्रीमा अघि सार्दा उपयुक्त हुने बताउँथे ।
यद्यपि, केही दिनअघि मात्रै बालेनले साम्पाङलाई आफूले माया गरिरहेको बताएका थिए ।
काठमाडौं । कांग्रेस सभापति गगन थापाले प्रतिनिधिसभा निर्वाचनबाट सबैभन्दा ठूलो दल बनेको रास्वपालाई बधाई दिएका छन् । उनले जेन-जी भावनाअनुसार सरकार सञ्चालन गर्न आग्रहसमेत गरे ।
‘रास्वपालाई बधाई दिन चाहन्छु । नौ जवानको व्रिदोहको मर्म र भावनाअनुसार सरकार सञ्चालन गर्नुहोला’, केन्द्रीय समितिको बैठकमा बोल्दै उनले मङ्गलबार भने ।
सरकार सञ्चालनको लागि कांग्रेसले मत नपाए पनि विपक्षीको रूपमा पनि ठूलो जिम्मेवारी पाएको उनले बताए । अबको पाँच वर्ष सुशासन, सेवा प्रवाह, विकासमा राम्रो गति लिनुपर्ने उनले बताए ।
५ वर्ष रास्वपालाई पूर्ण साथ रहने उनले बताए । गतिमा साथ रहने, प्रश्न गर्नुपर्ने ठाउँमा प्रश्न पनि रहने उनले बताए । पाँच वर्ष द्वन्द्व र विवादको चपेटामा सरकार पर्न नहुने उनले बताए ।
काठमाडौं । कांग्रेस सभापति गगन थापाले हतास र हताराेमा राजीनामा नदिएको बताएका छन् ।
चुनावी हारकाे नैतिक जिम्मेवारी लिँदै राजीनामा दिएकाे बताए । ३ चैतमा समानुपातिक सासदकाे टुङ्गाे लगाएपछि राजीनामा दिन चाहेकाे पिन खुलाए ।
चुनावी हारपछि पहिलोपटक मंगलबार पार्टीकाे केन्द्रीय कार्यसमिति बैठकलाई सम्बोधन गर्दै उनले जवाफदेहिताको लागि आफूले राजीनामा दिएको उनले बताए ।
काठमाडौं । नेपाली कांग्रेसका सभापति गगन थापाले विशेष महाधिवेशन गर्ने कुनै निर्णय आफूले त्यसै नगरेको स्पष्ट पारेका छन्।
उनले निर्वाचनमा सक्रिय रूपमा नखटिएका वा मतदान प्रक्रियामा सहभागी नभएका व्यक्तिहरूप्रतिकाे सवाल सरोकारको विषय नभएको बताएका छन्।
थापाले भने, ‘जो साथीहरू निर्वाचनमा खटिनुभयो, उहाँहरूको सुझाव मेरो लागि शिरोधार्य हुन्छ।’
सभापति थापाले राजीनामाको विषयमा उपसभापति विश्वप्रकाश शर्मासँग पहिल्यै छलफल गरेको पनि बताएका छन्। उनका अनुसार उनी निर्वाचनलगत्तै राजीनामा दिन इच्छुक थिए। ‘३ चैतमा समानुपातिक सांसदहरूको टुंगो लगाएपछि राजीनामा दिने सोचमा थिएँ,’ उनले उल्लेख गरे।
चुनावी परिणामबारे विभिन्न तर्क र विश्लेषण प्रस्तुत भइरहेका बेला थापाले ती विषयले केही हदसम्म अवस्था स्पष्ट पार्ने भए पनि अन्ततः नेतृत्वले जिम्मेवारी लिनैपर्ने धारणा राखे।
‘हामी नभएको भए के हुन्थ्यो, समय बढी पाएको भए के हुन्थ्यो भन्ने तर्कहरू छन्, तर म नेपाली कांग्रेसको सभापति र क्याप्टेन भएकाले चुनावी नतिजाको जिम्मेवारी लिनुपर्छ,’ उनले भने।
यसै अनुसार उनले नैतिक जिम्मेवारी स्वीकार गर्दै राजीनामा बुझाएको स्पष्ट पारे।
उनले आफू काङ्ग्रेसकाे क्याप्टने भएकाे भन्दै चुनावी हारकाे जिम्मेवारी नैतिक रुपमा लिँदै राजीनामा दिएकाे बताए ।
काठमाडौं । नेपाली कांग्रेसका सभापति गगन थापाले तीन सातापछि निर्वाचनमा भएको पराजय, पार्टीको आन्तरिक मतभेददेखि आगामी बालेन सरकारका बारेमा बोल्ने भएका छन् ।
महामन्त्री प्रदीप पौडेलका अनुसार उनले आजको केन्द्रीय समिति बैठकमा बोल्ने भएका हुन् ।
निर्वाचनमा पार्टी र उनीसमेत पराजित भएपछि थापा मौन थिए । उनले सामाजिक सञ्जालका माध्यमहरूमा पनि केही लेखेका छैनन् ।
थापा लामो समय मौन रहेपछि चुनावी हारले सभापति थापा स्तब्ध बनेको धेरैले अड्कल गरेका थिए । आज भने उनले मिडियासमक्ष पनि धारणा राख्ने महामन्त्री पौडेलले बताए ।
थापाको नेतृत्वमा गत २१ फागुनमा चुनावमा गएको कांग्रेसले लज्जास्पद हार बेहोर्यो । थापा स्वयं सर्लाही–४ मा पराजित भएका थिए । यसपछि उनको राजीनामा मागिएको थियो ।
राजीनामा माग्नेहरू निवर्तमान सभापति शेरबहादुर देउवानिकटका नेताहरू छन् । दबाब बढ्दै जाँदा थापाले राजीनामा दिए । तर, उनको वर्चश्व रहेको विशेष महाधिवशेनबाट निर्वाचित केन्द्रीय समितिले राजीनामा अस्वीकृत गर्यो ।
देउवा पक्षले भने गगनको राजीनामालाई ‘कलात्मक नाटक’ भनेका थिए । नभन्दै गगनले राजीनामा दिने र उपसभापति विश्वप्रकाश शर्माको अध्यक्षतामा बसेको केन्द्रीय समितिले अस्वीकृत गर्ने काम गर्यो ।
यसपछि थापाले मिडियासामु बोल्न लागेका हुन् ।
काठमाडौं । मोरङकाे बिराटनगर महानगरपालिका-१५ बाट अवैध लागूऔषध खैरो हेरोइन ३२ ग्रामसहित भारत घर भएका २९ वर्षीय मसुल अंसारीलाई प्रहरीले पक्राउ गरेको छ ।
लागुऔषध नियन्त्रण ब्यूरो शाखा कार्यालय बिराटनगरबाट खटिएको प्रहरीले उनलाई उक्त पदार्थ सहित पक्राउ गरेको हो ।
सुनसरीकाे इनरूवा नगरपालिका-४ बसचोकबाट अवैध लागूऔषध ब्राउनसुगर जस्तो देखिने पदार्थ करिब २ ग्राम २ सय ५० मिलिग्राम सहित २ जनालाई सोमबार साँझ प्रहरीले पक्राउ गरेको छ ।
पक्राउ पर्नेहरूमा धरान उपमहानगरपालिका-६ बस्ने २६ वर्षीय ख्यामबहादुर देवान लिम्बु र २७ वर्षीय शौरभ कटुवाल रहेका छन् ।
जिल्ला प्रहरी कार्यालय सुनसरी समेतबाट खटिएको प्रहरीले प्र.१-०२-०४९ प ५७०२ नम्बरको स्कुटरमा सवार उनीहरूलाई उक्त पदार्थ सहित पक्राउ गरेको हो ।
कैलालीकाे धनगढी उपमहानगरपालिका-८ धनगढीगाउँबाट अवैध लागुऔषध ब्राउनसुगर जस्तो देखिने पदार्थ ५ सय ८० मिलिग्राम सहित सोही ठाउँ बस्ने ३० वर्षीय रंजित चौधरीलाई सोमबार साँझ प्रहरीले पक्राउ गरेको छ ।
जिल्ला प्रहरी कार्यालय कैलालीबाट खटिएको प्रहरीले उनलाई उक्त पदार्थ सहित पक्राउ गरेको हो ।
सिरहाकाे गोलबजार नगरपालिका-४ निपाने टोलबाट अवैध लागूऔषध खैरो हेरोइन जस्तो देखिने पदार्थ १ ग्राम सहित सोही नगरपालिका-५ बस्ने २५ वर्षीय अनिल चौधरीलाई सोमबार दिउँसो प्रहरीले पक्राउ गरेको छ ।
लागूऔषध नियन्त्रण ब्यूरो शाखा कार्यालय गोलबजार समेतबाट खटिएको प्रहरीले उनलाई उक्त लागूऔषध सहित पक्राउ गरेको हो ।
थप अनुसन्धानको क्रममा उक्त पदार्थ सोही ठाउँ बस्ने ३३ वर्षीय बलिराम महतोले बेच्नको लागि पठाएको भनि खुल्न आएपश्चात लहान नगरपालिका-१ भाईरलबाबा टोलबाट अवैध लागूऔषध खैरो हेरोइन जस्तो देखिने पदार्थ १० ग्राम २ सय ५० मिलिग्राम सहित बलिरामलाई पक्राउ गरेको छ ।
नवलपरासी पश्चिम, सुनवल नगरपालिका-१२ बाट नियन्त्रित लागूऔषध बुप्रेनोर्फिन १ हजार ७ एम्पुल, डाइजेपाम ९ सय १० एम्पुल र फेनारगन ७ सय ३३ एम्पुल सहित २ जनालाई सोमबार दिउँसो प्रहरीले पक्राउ गरेको छ ।
पक्राउ पर्नेहरूमा सोही नगरपालिका-४ बडसारे बस्ने २६ वर्षीय सुनिल कुमार यादव र ३५ वर्षीय जितेन्द्र जैसवाल रहेका छन् । लागूऔषध नियन्त्रण ब्यूरो शाखा कार्यालय भैरहवा समेतबाट खटिएको प्रहरीले युपि ५६ एएक्स ८१०६ नम्बरको मोटरसाइकलमा सवार उनीहरूलाई उक्त लागूऔषध सहित पक्राउ गरेको हो ।
साथै थप अनुसन्धानको क्रममा रामग्राम नगरपालिका-१७ देवगाउँ बस्ने ४९ वर्षीय लक्कीचन्द केवटको घरबाट नियन्त्रित लागूऔषध बुप्रेनोर्फिन ३ सय ३९ एम्पुल, डाइजेपाम ६ सय ३४ एम्पुल र फेनारगन ७ सय ८ एम्पुल फेला पारी लक्कीचन्दलाई समेत प्रहरीले पक्राउ गरेको छ ।
सुर्खेतकाे वीरेन्द्रनगर नगरपालिका-१० बुदबुदेबाट अवैध लागूऔषध ब्राउनसुगर जस्तो देखिने पदार्थ २ ग्राम सहित २ जनालाई सोमबार दिउँसो प्रहरीले पक्राउ गरेको छ ।
पक्राउ पर्नेहरूमा सोही ठाउँ बस्ने ३६ वर्षीय हर्ष सिंह ठकुरी र २२ वर्षीय तुला नेपाली रहेका छन् । जिल्ला प्रहरी कार्यालय सुर्खेत समेतबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
बाँकेकाे कोहलपुर नगरपालिका-२ बर्दहवाबाट अवैध लागूऔषध ब्राउनसुगर जस्तो देखिने पदार्थ ४ ग्राम १ सय ९० मिलिग्राम सहित सोही ठाउँ बस्ने २१ वर्षीय सत्य नारायण थारू समेत २ जनालाई सोमबार राति प्रहरीले पक्राउ गरेको छ ।
इलाका प्रहरी कार्यालय कोहलपुरबाट खटिएको प्रहरीले उनीहरूलाई उक्त पदार्थ सहित पक्राउ गरेको छ ।
रूकुम पूर्वकाे भुमे गाउँपालिका-२ बाट अवैध लागूऔषध ब्राउनसुगर जस्तो देखिने पदार्थ ७ सय ४० मिलिग्राम सहित २ जनालाई सोमबार बेलुकी प्रहरीले पक्राउ गरेको छ ।
पक्राउ पर्नेहरूमा सोही गाउँपालिका-२ बस्ने २४ वर्षीय साहस पुन र २५ वर्षीय सुन्दर रोका रहेका छन् । जिल्ला प्रहरी कार्यालय रूकुम पुर्वबाट खटिएको प्रहरीले उनीहरूलाई उक्त पदार्थ सहित पक्राउ गरेको हो ।
प्रहरीले पक्राउ परेकाहरुविरुद्ध अनुसन्धान थालेकाे छ ।
काठमाडौं । तपाईकाे फाेन पानीमा भिज्याे भने तपाईलाई चिन्ता हुन सक्छ- ‘ला ! अब बर्बादै भयाे । माेबाइल बिग्रियाे ।’ पानीमा डुब्याे भने पनि तपाईलाई चिन्तित बनाउँछ ।
तर, भिज्ने बित्तिकै सबै फाेन बिग्रिने भने हुँदैन । त्यसकाे लागि महत्वपूर्ण हुन्छ – आईपीएक्स अर्थात् इनग्रेज प्रोटेक्शन रेटिङ ।
याे एक अन्तर्राष्ट्रिय मापदण्ड हो, जसले मोबाइल फोन, स्मार्टवाच, स्पिकरलगायतका इलेक्ट्रोनिक उपकरणहरू धुलो र पानीबाट कति सुरक्षित छन् भन्ने जानकारी दिन्छ।
यो सामान्यतया आईपी ६७, आईपी ६८ वा आईपीएक्स ४ जस्ता फर्म्याटमा उल्लेख गरिएको हुन्छ, जहाँ पहिलो अंकले धुलोबाट हुने सुरक्षास्तर जनाउँछ भने दोस्रो अंकले पानीबाट हुने सुरक्षा स्तर देखाउँछ।
आईपीएक्स ४ रेटिङ भएका उपकरणहरू सामान्यतया पानीका छिटा वा हल्का वर्षाबाट सुरक्षित हुन्छन्। तर यसमा धुलोबाट हुने सुरक्षाबारे स्पष्ट जानकारी दिइएको हुँदैन।
आईपी ६७ रेटिङ भएको उपकरण भने पूर्ण रूपमा धुलोबाट सुरक्षित हुने (डस्ट-टाइट) हुन्छ र करिब १ मिटर गहिराइको पानीमा ३० मिनेटसम्म सुरक्षित रहन सक्छ। त्यस्तै, आईपी ६८ रेटिङ भएका उपकरणहरू अझ उन्नत मानिन्छन्, जसले १.५ मिटर वा सोभन्दा बढी गहिराइमा पनि केही समयसम्म पानी सहन सक्छन्। यद्यपि, वास्तविक सीमा भने सम्बन्धित निर्माता कम्पनीले निर्धारण गरेको हुन्छ।
तर धेरै प्रयोगकर्ताले आईपी रेटिङलाई ‘वाटरप्रुफ’ भनेर बुझ्ने गल्ती गर्छन्, जुन पूर्ण रूपमा सही होइन। वास्तवमा यी उपकरणहरू ‘वाटर-रेसिस्टेन्ट’ मात्र हुन्छन्, अर्थात् सीमित अवस्थामा मात्र पानीबाट जोगिन सक्षम हुन्छन्।
लामो समयसम्म पानीमा डुबाएर राख्दा, साबुनयुक्त पानी, नुनिलो पानी वा अत्यधिक चापमा राख्दा उपकरणमा क्षति पुग्न सक्छ।
त्यसैले आईपी ६७ वा आईपी ६८ रेटिङ भएका फोन भए पनि अत्यधिक पानीको सम्पर्कबाट जोगाउनु उपयुक्त हुन्छ।
आईपी रेटिङले दैनिक प्रयोगमा सुरक्षा दिने भए पनि सावधानी अपनाउनु नै दीर्घकालीन प्रयोगका लागि सबैभन्दा सुरक्षित उपाय मानिन्छ।
काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवाको बूूढानीलकण्ठस्थित निवास भत्काइँदै छ ।
उनको यो घर जेन–विद्रोहको बेला विद्रोहीहरूले आगजनी गरेका थिए । त्यसबेला घर भग्नावेशमा परिणत भएको थियो ।
विद्रोहको झण्डै सात महिनापछि घर पुनर्निर्माण गर्न भत्काइएको जनाएको छ । देउवा दम्पति भने सिङ्गापुरमा छन् ।
उनीहरू जेन–जी विद्रोहपछि सिङ्गापुर आउजाउ गरिरहेका छन् ।
हेर्नुहाेस् तस्बिरहरु
इरानले युद्ध त्यसै नराेक्ने चेतावनी दिएकाे छ । आफ्नो देशमा भएकाे क्षतिको पूर्ति नपाएसम्म लडाइँ जारी राख्ने इरानले जनाएकाे हाे ।
सर्वोच्च नेता मोज्तबा खामेनीका वरिष्ठ सैन्य सल्लाहकार मोहसेन रेजाइले क्षतिपूर्तिबाहेक सबै आर्थिक प्रतिबन्ध हटाइनुपर्ने र अमेरिकाले भविष्यमा कुनै हस्तक्षेप नगर्ने ग्यारेन्टी गरिनुपर्ने बताएका छन्।
‘इरानी सेनाले पूर्ण शक्तिका साथ कारबाही गरिरहेको छ र नयाँ सर्वोच्च नेताको नेतृत्वमा देशको नेतृत्वले परिस्थितिलाई दृढतापूर्वक सम्हालिरहेको छ’, उनले भने ।
यसअघि इरानी संसद्का सभामुख मोहम्मद बाघेर गालिबाफले पनि देशका जनताले आक्रमणकारीलाई पूर्ण सजायको माग गरिरहेको बताएका थिए।
उता इजरायलका प्रधानमन्त्री बेन्जामिन नेतन्याहुले पनि इरानविरुद्ध हमला जारी रहेको बताएका छन्।
अमेरिकाका राष्ट्रपति डोनाल्ड ट्रम्पले जारी द्वन्द्व पूर्ण रूपमा अन्त्य गर्न अमेरिका र इरानबिच ‘सकारात्मक वार्ता’ भएको दाबी गरिरहेका बेला इरान र इजरायल भने यसलाई अस्वीकार गर्दै युद्ध नरोकिने बताएका हुन्।
अमेरिका-इजरायले गत फेब्रुअरी २८ मा संयुक्त हवाई हमला गरी इरानका सर्वोच्च नेता अयातोल्लाह अली खामेनीलगायत शीर्ष नेता तथा अधिकारीको हत्या गरेयता निरन्तर युद्ध जारी छ।
यसबिच इरानका सर्वोच्च राष्ट्रिय सुरक्षा परिषद्का सचिव अली लारिजानी र इस्लामिक रिभोलुसनरी गार्ड कोर्प्स (आईआरजीसी) का प्रवक्ता तथा जनसम्पर्क अधिकारी अली मोहम्मद नैनी पनि मारिइसकेका छन्।
अमेरिका-इजरायलको आक्रमणबाट इरानमा अहिलेसम्म ३ हजारभन्दा बढी जनाको मृत्यु भइसकेको अमेरिकास्थित ह्युमन राइट्स एक्टिभिस्ट न्युज एजेन्सी (एचआरएएनए) ले जनाएको छ।
काठमाडौं । नेपाली बजारमा आज पनि सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुन तोलामै १ हजार ६०० रुपैयाँले घटेकाे हाे ।
यससँगै आज सुनकाे काराेबार २ लाख ७३ हजार ९०० रुपैयाँमा भइरहेकाे छ । अघिल्लो दिन तोलामा ६ हजार ५०० रुपैयाँले घट्दै २ लाख ७५ हजार ५०० रुपैयाँमा कारोबार भएको थियो ।
चाँदीको मूल्य भने आज तोलामा ८० रुपैयाँले बढेको छ । अघिल्लो दिन प्रतितोला ४ हजार ४२५ रुपैयाँमा कारोबार भएकोमा आज ८० रुपैयाँले बढेर ४ हजार ५०५ रुपैयाँमा उक्लिएको छ ।
काठमाडौँ । कोलम्बियामा सेनाको विमान दुर्घटनाग्रस्त हुँदा ६६ जनाको मृत्यु भएको छ।
कोलम्बियाली वायुसेना कमाण्डर कार्लोस फर्नान्डो सिल्भा रुएडाले विमानमा १ सय १४ सैन्यकर्मी र ११ चालक दलका सदस्य सवार रहेको जानकारी दिएका छन्। दुर्घटनाग्रस्त विमान अमेरिकी निर्मित सी-१३० हर्कुलस थियो, जसलाई सेनाको ढुवानीका लागि प्रयोग गरिन्थ्यो।
बीबीसी हिन्दीका अनुसार विमान प्यूर्टो लेगुइजामो नजिकै, पुटुमायो क्षेत्रमा खसेको हो। त्यहाँ पठाइएका उद्धारकर्मीहरूले विमानका भग्नावशेषबीच जीवित बचेकाहरूको खोजी कार्य जारी राखेका छन्।
रक्षामन्त्री पेड्रो सान्चेजले लकहिड मार्टिनको सी-१३० सैन्य विमान प्यूर्टो लेगुइजामोबाट उडान भर्ने क्रममा दुर्घटना भएको बताउँदै यस दिनलाई देशका लागि अत्यन्तै दुखद दिन भनेका छन्। दुर्घटनापछि विमानमा लागेको आगोका कारण भित्र भण्डारण गरिएको गोला-बारुद पनि विस्फोट भएको पुष्टि गरिएको छ।
स्थानीय मिडियाका अनुसार, स्थानीय बासिन्दाहरूले घाइते सैनिकहरूलाई साना मोटरसाइकलमार्फत नजिकैका अस्पताल पुर्याएको दृश्यहरूसमेत सार्वजनिक भएका छन्।
काठमाडौँ। नेपाली कांग्रेसको केन्द्रीय कार्यसमितिको बैठक बस्ने भएको छ।
पार्टीको केन्द्रीय कार्यालय सानेपामा बैठक दिउसो एक बजे सुरु हुनेछ। आजको बैठकको सभापतित्व गगन थापाले गर्नेछन्।
२१ फागुनको निर्वाचनमा पराजित भएपछी उनले नैतिकताको आधारमा राजिनामा दिएका थिए। तर उनको राजीनामा केन्द्रीय कार्यसमितिको बैठकले यसअघि नै अस्वीकृत गरिसकेको छ।
पर्वत। कालीगण्डकी लोकमार्गअन्तर्गत फलेवास नगरपालिका-४ मुडिकुवास्थित कुश्मा-फलेवास सडकखण्डमा जीप दुर्घटना हुँदा चालकको मृत्यु भएको छ।
जिल्ला सदरमुकाम कुश्माबजारबाट युरिया मल लिएर फलेवासतर्फ गइरहेको ग१ज ८०२९ नम्बरको जीप सोमबार साँझ सडकबाट करिब ३० मिटर तल खस्दा चालक सज्जन परियारको ज्यान गएको हो।
जिल्ला प्रहरी कार्यालयका प्रहरी निरीक्षक दिनेश पौडेलका अनुसार जीपमा ३५ वर्षीय चालक एक्लै रहेका थिए। दुर्घटनापछि घाइते अवस्थामा उद्धार गरी प्रदेश अस्पतालतर्फ लैजाँदै गर्दा उनको बाटोमै मृत्यु भएको प्रहरीले जनाएको छ।
लगातार वर्षाका कारण उकालो बाटो चिप्लो बनेको हुँदा जीप अनियन्त्रित भई खसेको हुनसक्ने प्रारम्भिक अनुमान छ।
उद्धारका लागि सशस्त्र प्रहरी बल चण्डिका गण तथा जिल्ला प्रहरी कार्यालयबाट खटिएको टोलीले कठिन भौगोलिक अवस्थासँग जुध्दै उद्धार कार्य सम्पन्न गरेको सशस्त्र प्रहरी बलका उपरीक्षक क्षितिज क्षेत्रीले जानकारी दिए।
काठमाडौं । नवनिर्वाचित २४ जना सांसदले मातृभाषामा पद तथा गोपनीयताको शपथ ग्रहण गर्ने भएका छन् ।
संसद् सचिवालयका अनुसार उनीहरूले तामाङ, नेपाल भाषा, थारु, मैथिली, भोजपुरी, संस्कृत, डोटेली, राना थारु, वान्तावा, मगही र अवधि भाषामा नवनिर्वाचित सांसदहरूले शपथ ग्रहण गर्ने भएका हुन् ।
उनीहरूलाई ज्येष्ठ सदस्य नेपाली कांग्रेसका सांसद अर्जुननरसिंह केसीले यही १२ चैतको दिउँसो २ बजे शपथ ग्रहण गराउने भएका हुन् ।
सिंहदरबार परिसरभित्र निर्माणाधीन सड्घीय संसद् भवनको बहुउद्देश्यीय सभाकक्षमा सांसदहरूलाई शपथ गराउने कार्यक्रम तय भएको छ ।
नेपाल भाषामा सांसदहरू अनुष्का श्रेष्ठ, कृष्णभक्त शाक्य, गंगालक्ष्मी अवाल, मदनकृष्ण श्रेष्ठ, रुकेश रञ्जित र विराजभक्त श्रेष्ठ छन् ।
डोटेली भाषामा आकृति अवस्थी, दीपकराज बोहरा र हरिनादेवी कामी छन् ।
मैथिली भाषामा उज्जवलकुमार झा, दीपककुमार साह (महोत्तरी), दीपककुमार साह (सुनसरी), प्रमोदकुमार महतो, मातृका यादव र सीताराम साह छन् ।
भोजपुरी भाषामा कन्हैया बनिया, थारु भाषामा गीता चौधरी र प्रमिलाकुमारी गच्छदार तथा राना थारुमा कृपाराम रानाले शपथ ग्रहण गर्ने भएको संसद् सचिवालयले जनाएको छ ।
तामाङ भाषामा सांसद परशुराम तामाङले शपथ ग्रहण गर्न संसद् सचिवालयमा नाम टिपाएका छन् ।
संस्कृत भाषामा खुश्बु ओली, मगही भाषामा जोगकुमार यादव र अवधि भाषामा मोहम्मद इस्तियाक राईले शपथ ग्रहण गर्ने भएका हुन् । यस्तै, ध्रुवराज राईले वान्तावा भाषामा शपथ ग्रहण गर्ने भएका छन् ।
शपथसम्बन्धी ऐन २०७९ मा शपथको भाषासम्बन्धी व्यवस्था छ, जसअनुसार सांसदहरूले मातृ भाषामा शपथ लिन पाउनेछन् ।
शपथसम्बन्धी ऐनको दफा ५ मा भनिएको छ, ‘शपथ लिँदा वा शपथ गराउँदा सरकारी कामकाजको नेपाली भाषामा लिनु वा गराउनुपर्नेछ ।’
सोही व्यवस्थाअनुसार आफूले शपथ खान चाहेको भाषाको विवरण संसद सचिवायलयमा गराएका हुन् ।
मातृभाषामा शपथ लिन चाहने सांसदहरूलाई प्रतिनिधिसभा सदस्य निर्वाचन ऐन,२०७४ को अनुसूची–३ को ढाँचाको शपथको ब्यहोरा सम्बन्धित भाषामा अनुवाद गरी सो अनुवादको प्रति शपथ कार्यक्रमभन्दा तीन दिन अगावै सड्घीय संसद् सचिवालयको सांसद सुविधा व्यवस्थापन शाखामा वा सो शाखाको इमेलमा उपलब्ध गराउन सचिवालयले अनुरोध गरेका थिए ।
त्यसअनुसार २४ सांसदले मातृभाषामा शपथ लिन चाहेको भन्दै नाम टिपाएको संसद्का प्रवक्ता एकराम गिरीले बताए ।
मातृभाषामा शपथ लिने यो अभ्यासले नेपालको भाषिक विविधता र समावेशी लोकतन्त्रको अभ्यासलाई बलियो बनाएको विश्लेषण गरिएको छ ।
संविधानले प्रत्येक नागरिकलाई आफ्नो मातृभाषा प्रयोग गर्ने अधिकार सुनिश्चित गरेअनुसार सांसदहरूले त्यसको प्रयोग गरेका हुन् ।
यस कदमले संसद्मा प्रतिनिधित्व मात्र होइन, पहिचान र सम्मान पनि झल्किने गरेको छ ।
मातृभाषासेवीहरूले भने लामो समयदेखि नेपाली भाषामै शपथ सीमित भएकोमा मातृभाषाबाट पनि शपथ लिने पाउने व्यवस्थाले लोकतान्त्रिक प्रणालीलाई थप मजबुत पार्ने बताउने गरेका छन् ।
काठमाडौँ। गत भदौ २३ र २४ को जेन-जी विद्रोहपछि तत्कालिन केपी शर्मा ओली नेतृत्वको सरकार अपदस्त भयो । विद्रोहको जगमा सुशीला कार्कीको नेतृत्वमा अन्तरिम सरकार बन्यो ।
सुशासनको मुख्य मुद्दा उठाएर भएको विद्रोहबाट बनेको सरकारले आफैँले भने सुशासनको प्रत्याभूति कति दिन सक्यो ? यो अहिले जनस्तरमा उठिरहने प्रश्न हो।
जेन-जी विद्रोहपछि देश निकै कठिन परिस्थितिबाट गुज्रियाे । त्यो जटिल परिस्थितिमा बनेको सरकारमाथि अनेक दबाब थियो। अझ भनौँ, राजनैतिक दल, नागरिक समाज, विभिन्न जेनजी समूह सरकारको विरुद्धमा उभिएका थिए।
त्यस्तो परिस्थितिबाट सुशीला सरकारले इतिहासमै शान्तिपूर्वक चुनाव सम्पन्न गर्याे । त्यसको लागि उनी धन्यपात्र बनिन् । यद्यपि, सार्वजनिक वृत्तमा अहिले पनि चुनावको विषयमा संशय हुने गरेकाे छ ।
यसबीच सरकार सर्वाधिक आलाेचित भएकाे भने सुशासनकाे मामिलामा हाे । भ्रष्टाचार र विधिकाे शासनकाे सवालमा हाे । अर्काे चाहिँ आसेपासेलाई नियुक्ति गर्दा हाे ।
यसमा अगुवा भइन्- महान्याधिवक्ता सविता भण्डारी । उनले एकपछि अर्काे विवादित निर्णय गरिरहेकी छन् । कतिसम्म भने सुशासनको एजेन्डामा बनेको सरकारकाे कानुनी सल्लाहकार उनले डिम्ब तस्करीमा मुछिएका व्यक्तिलाई उन्मुक्ति दिइन् । यसपछि नै उनीमाथि अनेकन प्रश्न उठ्याे । तर, प्रश्नकाे बेवास्ता गरिरहिन् । बरु, ३० पुसमा रास्वपा सभापति रवि लामिछानेविरुद्धकाे सम्पत्ति शुद्धीकरण र सङ्गठित अपराधसम्बन्धी मुद्दा फिर्ता लिनेगरी आराेपपत्र सशाेधनकाे निर्णय लिइन् ।
अहिले प्रश्न उठेकाे छ- संगठित अपराधको आरोपमा मुछिएको आरोपितको आरोप फिर्ता लिन मिल्छ ? अर्बौ रुपैयाँ करछलीको अनुसन्धानमा रहेको संस्थालाई कर छुट दिने गरी मुद्दा सामसुम पार्नु कति ठिक हो? जनस्तरमा प्रश्न छन्, सरकारले जवाफ दिनुपर्छ।
आफ्नै छोरी जोडिएको डिम्ब तस्करीलगायत विवादमा मुद्दा नचल्ने निर्णय गरिन् । उनका यस्ता विवादास्पद निर्णयले वर्तमान सरकारलाई प्रश्नको घेरामा तान्ने काम गर्याे ।
छाेरीलाई डिम्ब तस्करीमा सफाइ !
गत ३० असोजमा महान्याधिवक्ता भण्डारीले आफ्नी छोरी डा. प्रत्युषा बराल कार्यरत रहेको होप फर्टिलिटी एन्ड रिसर्च सेन्टरलाई डिम्ब तस्करी प्रकरणमा ‘क्लिन चिट’ दिने निर्णय गरिन्। याे उनकाे पहिलाे विवादास्पद कदम हाे ।
जबकि, यसअघि नेपाल प्रहरीकाे केन्द्रीय अनुसन्धान ब्युरो (सीआईबी)ले गरेको अनुसन्धानमा एक संगठित समूहले नाबालिग किशोरीहरूलाई आर्थिक प्रलोभनमा पारी उनीहरूबाट डिम्ब संकलन गरी दम्पतीलाई लाखौँ रुपैयाँमा बिक्री गर्ने गरेको तथ्य फेला परेको थियो।
गत भदौमा सीआईबीले बालबालिका सम्बन्धी ऐन २०७५ को दफा ६६ अनुसार डा. स्वस्ति शर्मासहित सात जनालाई प्रतिवादी बनाउनु पर्ने रायसहितको प्रतिवेदन जिल्ला सरकारी वकिल कार्यालय काठमाडौंमा बुझाएको थियो।
तर ३० असोजमै महान्यायाधिवक्ता भण्डारीले डा. स्वस्ति शर्मा लगायतमाथि सो ऐनअन्तर्गत मुद्दा नचलाउने निर्णय गरिन्। यो निर्णयमा भण्डारीकै स्वार्थ जोडिएको विश्लेषणसमेत भएको छ, किनकि होप फर्टिलिटीमा उनको पनि लगानी रहेको र त्यही क्लिनिकमा उनकी छोरी प्रत्युषा कार्यरत रहेको उल्लेख गरिन्छ। साथै डा. स्वस्ति शर्मा भण्डारीकै पारिवारिक सदस्य उनकी सानीआमाकी छोरीसमेत हुन्।
महन्यायाधिवक्ता कार्यालयले बालबालिकालाई यौन दुर्व्यवहार वा बलपूर्वक प्रयोग गरिएको अवस्था नदेखिएकाले मुद्दा नचलाउने निर्णय गरिन् । सीआईबीको अनुसन्धानमा भने १६-१७ वर्षका किशोरीहरूलाई १० हजार रुपैयाँमा डिम्ब बेच्न प्रलोभन दिएको र ती डिम्ब १८ लाख रुपैयाँसम्ममा बिक्री गरिएको प्रमाण फेला परेको उल्लेख छ।
रविकाे मुद्दामा सत्ताकाे प्रष्ट छायाँ
महान्याधिवक्ता भण्डारीले अर्को विवादास्पद निर्णय गरिन् -सहकारी ठगीको अपराधका आरोपी तथा राष्ट्रिय स्वतन्त्र पार्टीका सभापति रवि लामिछानेविरुद्धकाे सम्पत्ति शुद्धीकरण तथा संगठित अपराधको मुद्दाबाट उन्मुक्ति दिन आरोप पत्र नै संशोधन गर्ने ।
३० पुसमा महान्यायाधिवक्ता सविता भण्डारी बरालले लामिछानेविरुद्धको सहकारी ठगी मुद्दाबाट संगठित अपराध र सम्पत्ति शुद्धीकरण दुवै अभियोग फिर्ता लिने निर्णय गरेकी थिइन् । तर निर्णय गरेको दुई दिन नपुग्दै उनले सो निर्णय ‘सच्याएको’ भन्दै दोस्रो निर्णय सार्वजनिक गरिन्, जहाँ ‘निजको हकमा’ भन्ने वाक्यांश हटाइएको थियो।
यही संशोधनका कारण लामिछाने मात्र होइन, मुद्दाका अन्य अभियुक्तहरू पनि ती गम्भीर अभियोगबाट मुक्त हुने स्थिति बनेको छ।
यो मुद्दामा सर्वोच्च अदालतमा विचाराधीन छ। सर्वोच्च अदालतले मुद्दामा केही न केही आदेश त देला तर सुशासनको लागि भएको आन्दोलनबाट बनेको सरकारको प्रमुख कानुनी सल्लाहकारले सम्पत्ति सुद्दिकरण र संगठित अपराधको आरोपितलाई उन्मुक्ति दिने चलखेल गर्नु कत्तिको जायज हुन्छ ? अर्काे प्रश्न उठेकाे छ ।
७ अर्ब बढी करछलीमा वर्ल्डलिङ्कलाई उन्मुक्ति
सुशासन कायम र भ्रष्टाचार नियन्त्रणकाे जनादेशमा स्थापित सरकारकी महान्याधिवक्ताले अर्को विवादास्पद निर्णय गरेकी छन्,- त्यो हो सात अर्ब करछलीको आरोप लागेको वर्ल्डलिङ्कलाई मुद्दा नचलाउने।
राजस्व अनुसन्धान विभागले झण्डै एक वर्ष लगाएर गरेको अनुसन्धानले वर्ल्डलिङ्कले दूरसञ्चार सेवा शुल्क (टिएससी) छल्दै करिब २ अर्ब ९४ करोड रुपैयाँ राजस्व चुहावट गरेको ठहर गरेको थियो । जरिवानासहित कुल बिगो ७ अर्ब ३६ करोड पुग्ने स्पष्ट निष्कर्षसहित मुद्दा दायरको तयारी गरिएको थियो । तर ७ अर्ब भन्दा बढी करछलीको आरोप लागेको वर्ल्डलिङ्कलाई सरकारले एकै झट्कामा कसरी उन्मुक्ति दिन सक्छ? त्यो पनि सुशासनको एजेन्डा बोकेर बनेको सरकारले?
कतिसम्म भने अनुसन्धानका क्रममा करिब तीन अर्ब रुपैयाँ तिर्न तयार वर्ल्डलिङ्क तयारसमेत भइसकेको थियो। तर जिल्ला सरकारी वकिलको कार्यालयबाट उच्च सरकारी वकिलको कार्यालय हुँदै महान्याधिवक्ताको कार्यालय पुगेको यो मुद्दा त्यतै अड्कियो। अन्तत: मुद्दा नचल्ने भनेर वर्ल्डलिङ्कला सफाई दिइन् ।
अब प्रश्न उठ्छ- अर्बौ करछलीको आरोप लागेको एउटा इन्टरनेट प्रदायक संस्थालाई उन्मुक्ति दिने सरकारले सुशासनको भजन गाइरहन मिल्छ ?
विगतलाई फर्केर हेर्ने हाे भने भदौ २४ गते सुशीला कार्की नातावाद, कृपावाद र अवसरवादको विरोध गर्दै आफैँ सडकमा थिइन्।
सडकमा मात्रै होइन उनले प्रदर्शन गरिरहेका विभिन्न जेन-जी समूहलाई उक्साउने कामसमेत गरिन् । त्यसको ठिक चार दिनपछि आफ्नो नजिकका नाता पर्ने आदर्श श्रेष्ठलाई प्रधानमन्त्री कार्यालयको सचिवालय प्रमुखमा नियुक्ति दिइन्।
नातावादको विरोध गरेर स्थापित प्रधानमन्त्रीले सुशासनको सुरुवात आफ्नै नातेदारबाट कार्यान्वयन गराइन्। त्यसको केही दिनपछि श्रेष्ठले प्रधानमन्त्रीको सचिवालयमा जागिर दिलाए।
उनै श्रेष्ठलाई प्रधानमन्त्री कार्कीले केही दिनअघि मात्रै राष्ट्रिय प्रकृति संरक्षण कोषको अध्यक्षमा नियुक्त गरिन्। यो चाहिँ नातावाद हाेइन ? कृपावाद हाेइन ? कि आफूले गरेकाे नियुक्ति चाहिँ याेगदानकाे मूल्याङ्कन हुन्छ ? सर्वत्र प्रश्न उठेकाे छ ।
तर कार्की सरकार यत्तिमा राेकिएन । त्यसको केही दिनमै प्रधानमन्त्रीकै चाहनामा बहालवाला गृहमन्त्रीलाई राष्ट्रिय सभामा पठाउने निर्णय भयो। जनस्तरमा यसको निकै आलोचना भयो। यसपछि सरकारले कारण दियो- गृहमन्त्री ओमप्रकाश अर्याललाई सुरक्षा चुनौती भएकाले राष्ट्रिय सभामा पठाउने प्रस्ताव गरेको। खैर, राष्ट्रपतिले सरकारको यो सिफारिस अहिले प्रमाणीकरण गरेका छैनन्।
यसले के देखाउँछ भने सुशासन कायम, भ्रष्टाचार नियन्त्रणसँगै नातावाद र कृपावाद अन्त्यकाे माग गर्दै भएकाे जेन-जी विद्राेहकाे जनादेशलाई कार्की सरकारले रद्धिकाे टाेकरीमा मिल्काएकाे छ ।
काठमाडौं । दन्त उपचारमा त्रुटि गरेको ठहर गर्दै नेपाल मेडिकल काउन्सिलले एक जना दन्त चिकित्सकलाई एक साताका लागि निलम्बन गर्ने निर्णय गरेको छ।
काउन्सिलको गत फागुन २८ गते बसेको पूर्ण बैठकले मीनभवनस्थित डेन्टल भिजन प्रालिमा कार्यरत डा. अजय कुमार साहलाई सात दिनका लागि सेवा गर्न नपाउने गरी निलम्बन गरेको हो।
काउन्सिलमा डाक्टर साहको दर्ता नम्बर २७०५ रहेको छ।
काउन्सिलका अनुसार डा. साहविरुद्ध परेको उजुरीमाथि छानबिन गर्दा उपचार प्रक्रियामा त्रुटि भएको निष्कर्षमा पुगिएपछि कारबाही गरिएको हो।
काठमाडौं । चलचित्र विकास बोर्डले फिल्म क्षेत्रमा आधुनिक प्रविधिको प्रयोगलाई प्रवद्र्धन गर्ने उद्देश्यसहित दुई महत्वपूर्ण तालिम कार्यक्रम एकैसाथ सुरु गरेको छ ।
दुई दिने एआई फिल्ममेकिङ तालिम र १० दिने ड्रोन तालिम कार्यक्रम सोमबारदेखि सुरु भएका हुन् । यी दुवै कार्यक्रममा गरी कुल १७६ जना सहभागी छन् ।
नेपाल एआई फिल्म अलायन्सको सहकार्यमा सञ्चालन भइरहेको एआई तालिममा १५१ जना सहभागी छन् ।
‘सिनेम्याटिक एआई : फ्रम स्क्रिप्ट टु स्क्रिन विथ आर्टिफिसियल इन्टिलिजेन्स’ शीर्षकमा सञ्चालन भइरहेको तालिममा सहभागीलाई कृत्रिम बुद्धिमत्ताको प्रयोगमार्फत कथा लेखन, स्टोरीबोर्ड निर्माण, भिडियो उत्पादन तथा डिजिटल फिल्म निर्माणका आधुनिक प्रविधिबारे प्रशिक्षण दिइने जनाइएको छ ।
यस तालिममा करुण थापा, मौसम पुरीलगायतले प्रशिक्षण दिने कार्यक्रम छ । ‘एआईमार्फत महाभारत’ को ट्रेलर बनाए पुरी यसअघि चर्चामा आएका थिए ।
रजत वर्षको अवसरमा सञ्चालन गरिएको १० दिने ड्रोन तालिम कार्यक्रममा २५ जना सहभागी चयन छन् । चलचित्र छायांकनमा ड्रोन प्रविधिको प्रभावकारी प्रयोगलाई लक्षित गर्दै आयोजना गरिएको उक्त तालिममा भारतको वायुरगाथा ड्रोन कम्पनीका प्रशिक्षक मथिशर्मा जी, मणिभारथ वी र पार्थसारथी बी ले प्रशिक्षण दिनेछन् ।
नेपालका अनुभवी प्रशिक्षक प्रविन भट्टराई (ड्रोन हव नेपालका सञ्चालक तथा लुम्बिनी विश्वविद्यालयका ड्रोन विभाग प्रमुख, प्रभु एयरका पाइलट क्या पाल्देन शेर्पा, इन्स्पेक्टर रमेश शाह, आदर्श राज भुसाल र शाश्वत रिजालले पनि प्रशिक्षण दिनेछन् ।
काठमाडौैं । इन्टरनेट सेवा प्रदायक भायानेट कम्युनिकेसनले इन्टरनेटमा हुने अवरोध, बफरिङ र कमजोर सिग्नल जस्ता समस्यालाई समाधान गर्न अत्याधुनिक ‘वाइफाइ ६’ प्रविधिमा आधारित नयाँ इन्टरनेट प्याकेज सार्वजनिक गरेको छ।
प्रयोगकर्तालाई गतिको नयाँ अनुभव प्रदान गर्दै समग्र कनेक्टिभिटीमा व्यापक सुधार ल्याउने उद्देश्यले यो सेवा बजारमा ल्याइएको हो।
आजको डिजिटल युगमा घरभित्र धेरै उपकरणहरू एकैसाथ चलाउनुपर्ने आवश्यकतालाई मध्यनजर गर्दै यो प्रविधि डिजाइन गरिएको कम्पनीको भनाइ छ।
पुरानो प्रविधिको तुलनामा ४ गुणा बढी कार्यक्षमता प्रदान गर्ने भएकाले यसले लेटेन्सी लाई न्यूनतम स्तरमा झार्दछ।
फलस्वरूप, घरमा एकै समयमा धेरै व्यक्तिले मुभी स्ट्रिमिङ, अनलाइन गेमिङ र अफिसको काम गर्दा पनि कुनै प्राविधिक कठिनाइ महसुस हुने छैन।
भायानेटले ग्राहकहरूका लागि २५० एमबिपिएसदेखि ६०० एमबिपिएससम्मका उच्च गतिको ‘वाइफाइ ६’ प्याकेजहरू उपलब्ध गराएको छ।
जसमध्ये २५० एमबिपिएस गतिको वार्षिक योजना मात्र १३ हजार ८०० रूपैयाँ (भ्याट सहित) मा प्राप्त गर्न सकिनेछ।
यस आकर्षक अफर अन्तर्गत वार्षिक ग्राहक बन्नेहरूले थप १ महिनाको इन्टरनेट सेवा नि:शुल्क प्राप्त गर्नेछन्।
साथै, घरभरि समान रूपमा इन्टरनेट सिग्नल पुऱ्याउन कम्पनीले ३ हजार ५०० रूपैयाँ (भ्याट सहित) मा ‘वाइफाइ ६ मेस’ राउटरको विकल्प पनि अघि सारेको छ।
साधारण राउटरले बाक्लो भित्ता वा ठूलो क्षेत्रफल भएका घरका सबै भागमा सिग्नल पुऱ्याउन नसक्ने समस्यालाई यस मेस सिस्टमले समाधान गर्नेछ।
काठमाडौं । यामाहाले नेपालमा पहिलो पटक हाइब्रिड प्रविधियुक्त मोटरसाइकल सार्वजनिक गरेको छ।
काठमाडौंको कमलादीस्थित स्काई टावरमा आयोजित एक कार्यक्रमबीच यामाहाले आफ्नो चर्चित एफजेड सिरिजको हाइब्रिड मोडल सार्वजनिक गरेको हो।
मोटरसाइकलमा १४९ सीसीको फ्युल इन्जेक्टेड इन्जिनका साथै स्मार्ट मोटर असिस्ट प्रविधि प्रयोग गरिएको छ। यो हाइब्रिड प्रणालीले मोटरसाइकल स्टार्ट गर्दा र एक्सेलेरेसन दिँदा थप शक्ति प्रदान गर्छ। जसले गर्दा इन्धनको खपत कम हुने र प्रदूषण पनि घट्ने कम्पनीको दाबी छ।
मोटरसाइकलले प्रतिलिटर ६० किलोमिटरभन्दा बढी माइलेज दिने बताइएको छ। कार्यक्रममा यामाहाले अभिनेता अनुपविक्रम शाहीलाई आफ्नो नयाँ ब्रान्ड एम्बेसडरका रूपमा समेत घोषणा गरेको छ।
१३५ केजी तौल रहेको मोटरसाइकलमा सुरक्षाका लागि सिंगल च्यानल एबीएस, रियर डिस्क ब्रेक र चौडा रेडियल टायरहरू प्रयोग गरिएको छ। यसमा एलइडी हेडलाइट, डिजिटल इन्स्ट्रमेन्ट क्लस्टर र इन्जिन अन्डर काउल जस्ता सुविधाहरू पनि रहेका छन्।
नेपालका लागि यामाहाको आधिकारिक विक्रेता एमएडब्लु इन्टरप्राइजेजका अध्यक्ष विष्णुकुमार अग्रवालले नेपाली ग्राहकका लागि विश्वस्तरीय र आधुनिक प्रविधि भित्र्याउने लक्ष्य अनुरूप यो मोटरसाइकल ल्याइएको बताए।
हाल देशभर रहेका आफ्ना १०० वटा डिलर र सेवा केन्द्रहरू मार्फत यस मोटरसाइकलको बिक्री सेवा उपलब्ध गराउने जनाएको छ।
काठमाडौं। स्वर्गीय अभिनेता सुनिल थापाको अन्तिम फिल्म ‘पहाड’ को नयाँ गीत ‘मोहनी लगाउने’ सार्वजनिक गरिएको छ।
सार्वजनिक भएसँगै गीतले दर्शक तथा प्रशंसकमाझ भावनात्मक प्रतिक्रिया पाएको छ।
फिल्म ‘पहाड’ स्व. थापाको अन्तिम अभिनय रहेको चलचित्र भएकाले पनि यसको गीतप्रति दर्शकको विशेष चासो देखिएको छ।
हालै सार्वजनिक गरिएको ‘मोहनी लगाउने’ गीतमा प्रेम, आकर्षण र पहाडी जीवनशैलीको झल्को प्रस्तुत गरिएको छ। गीतको शब्द, संगीत र दृश्य संयोजनले नेपाली परिवेशलाई जीवन्त बनाएको देखिन्छ।
यो फिल्ममा सुनिल थापासँगै मदनकृष्ण श्रेष्ठ, विपिन कार्कीलगायतका कलाकारहरूको पनि अभिनय रहेको छ।
काठमाडौं । राष्ट्रिय जनमोर्चाका अध्यक्ष चित्रबहादुर केसीले प्रतिनिधिसभा निर्वाचनको परिणामसँगै अमेरिकाको भूमिकालाई लिएर कडा प्रतिक्रिया दिएका छन्।
उनले नेपालमा राजनीतिक दलहरूले भ्रष्टाचार गरेकाे र जनताले सुख पाएन भनेर नभई निर्वासित तिब्बती धर्म गुरु दलाई लामाकाे पुनर्स्थापनाका लागि अमेरिकाले आफ्नो स्वार्थ अनुसार खेल खेलेको आरोप लगाएका छन्।
केसीले भने, ‘यहाँ एमालेले भ्रष्टाचार गर्याे , कांग्रेसले भ्रष्टाचार गर्याे, माओवादीले भ्रष्टाचार गर्याे तर नेपाली जनताले सुख पाएन भनेर हाेइन । अमेरिकाले चीनविरुद्धको आफ्नो रणनीतिक खेल खेलिरहेको छ। यो खेल दलाइ लामालाई प्रस्थापित गर्ने उद्देश्यका लागि गरिएको हो।’
उनले अमेरिकी राष्ट्रपति डाेनाल्ड ट्रम्प र उनलाई निर्वाचित गर्ने जनताकाे आलाेचना पनि गरे ।
नेपालमा प्रत्यक्ष कार्यकारीकाे प्रसङ्ग उठेकाेमा असन्तुष्टि जनाउँदै उनले भने, ‘प्रत्यक्ष कार्यकारीमा ट्रम्पजस्ता नेता पनि जनताले चुन्छन्। यसले देखाउँछ कि जनताको निर्णय सधैं दीर्घकालीन हितमै आधारित हुँदैन। एउटा सार्वभौम राष्ट्रको राष्ट्रपतिलाई सेना लगाएर अपहरण गर्ने जस्ता घटनाले पनि लोकतन्त्रको अस्थिरता देखाउँछ।’
केसीले इरान, बङ्गलादेश र श्रीलङ्कामा अमेरिकाले गरेको हस्तक्षेपको चर्चा गर्दै नेपालमा पनि अप्रत्यक्ष रूपमा चुनावी प्रक्रियामा प्रभाव परेको बताए। बङ्गलादेश र श्रीलङ्काका जनताले ट्रम्पकाे चाहनाविपरीत फैसला गरेकाे तर नेपालमा त्यस्ताे नभएकाे बताए ।
काठमाडौं । नेपालमा नयाँ इलेक्ट्रिक अफ-रोडर ‘जाइकाे जे सिक्स टी’ सार्वजनिक भएको छ ।
आकर्षक डिजाइनका कारण यो इलेक्ट्रिक गाडीले बजारमा उपभोक्तामाझ चर्चा बटुल्ने अपेक्षा गरिएको छ।
नेपाली बजारमा आधिकारिक मूल्य ६८ लाख ९९ हजार रुपैयाँ तोकिएको यस गाडीले शहरभित्र मात्र नभई कठिन अफ-रोड मार्गमा पनि उत्कृष्ट क्षमताको प्रदर्शन गर्ने कम्पनीको दाबी छ।
कम्पनीका प्रतिनिधिहरूले भनेका छन् कि याे गाडीमा आधुनिक ब्याट्री टेक्नोलोजी, स्मार्ट इन्फोटेन्मेन्ट सिस्टम, र सुरक्षित ड्राइभिङ सुविधा उपलब्ध छन्।
नेपालमा इलेक्ट्रिक गाडीको माग लगातार बढ्दै गएपछि स्थानीय व्यवसायीहरूले यसलाई वातावरणमैत्री र दीगो विकल्पको रूपमा प्रस्तुत गरेका छन्।
हेर्नुहाेस् नेपाली बजारमा याे गाडी सार्वजनिक गरिँदाका तस्बिहरु
काठमाडौं । गर्मीयाम सुरु भएसँगै बजारमा खर्बुजा आइपुगेकाे छ। स्वास्थ्यका लागि लाभदायक मानिने खर्बुजा अहिले काठमाडौं उपत्यकाका फलफूल बजारमा प्रशस्त मात्रामा उपलब्ध हुन थालेको व्यवसायीहरूले बताएका छन् ।
खर्बुजामा पानीको मात्रा धेरै हुने भएकाले शरीरलाई चिसो राख्न मद्दत गर्ने चिकित्सकहरू बताउँछन् । साथै यसमा भिटामिन ए, सी तथा विभिन्न खनिज तत्व पाइने हुँदा रोग प्रतिरोधात्मक क्षमता बढाउन समेत सहयोग पुग्ने विश्वास छ ।
तर, बजारमा बिक्री भइरहेको खर्बुजाको गुणस्तरप्रति उपभोक्ताले भने चिन्ता व्यक्त गरेका छन् । केही व्यापारीहरूले काँचो फललाई कृत्रिम रूपमा पाकाएर बेच्ने गरेको गुनासो पनि बढ्दै गएको छ ।
यसले स्वास्थ्यमा नकारात्मक असर पार्न सक्ने विज्ञहरू चेतावनी दिन्छन् ।
कालीमाटी तथा अन्य तरकारी बजारका व्यापारीहरूका अनुसार खर्बुजाको मूल्य गुणस्तर र आकारअनुसार फरक-फरक रहेको छ ।
दमकलसँग एयर क्यानडाको विमान ठोक्किँदा दुई पाइलटकाे मृत्यु भएकाे छ । उनीहरु ककपिटमा थिए । अमेरिकाको न्यूयोर्कस्थित ला गार्डिया विमानस्थलमा अवतरणका क्रममा उक्त विमान दमकलसँग ठाेक्किएकाे थियाे ।
न्युयोर्क र न्युजर्सीको पोर्ट अथोरिटीकी कार्यकारी निर्देशक क्याथरिन गार्सियाका अनुसार दुर्घटनामा दुवै पाइलटको ज्यान गएको पुष्टि भएकाे छ ।
क्यानडाको मोन्ट्रियलबाट न्यूयोर्क पुगेको एयर क्यानडा एक्सप्रेसको जहाजले धावनमार्गमा गुडिरहेको पोर्ट अथोरिटीको एयरक्राफ्ट रेस्क्यु एन्ड फायरफाइटिङ सवारी साधनलाई ठक्कर दिएको थियो। उक्त दमकल अर्कै एउटा घटनाको उद्धारका लागि जाँदै थियो।
दुर्घटना यति भयावह थियो कि जहाजको अगाडिको भाग चुँडिएर उछिट्टियाे ।
दुर्घटनापछि अमेरिकाको संघीय उड्डयन निकाय एफएएले ला गार्डिया विमानस्थलमा सोमबार (आज) दिउँसो २ बजेसम्मका लागि पूर्ण रूपमा बन्द गरिदिएको छ।
यो विमानस्थल दैनिक करिब ९०० उडान र अवतरण हुने व्यस्त क्षेत्रीय ुहबु मानिन्छ, जसमा एयर क्यानडाका मात्रै दैनिक २३ उडान हुने गर्छन्।
काठमाडाैं। २१ फागुनमा सम्पन्न प्रतिनिधिसभा निर्वाचनपछि नवनिर्वाचित सांसदहरूले चैत १२ गते शपथ लिँदैछन्। सांसदहरुको यसपटकको सपथ बानेश्वरमा नभएर सिंहदरबारस्थित नवनिर्मित संसद भवनमा हुँदैछ।
१५६ रोपनी क्षेत्रफलमा फैलिएको संसद् भवन २०७६ सालमा निर्माण प्रक्रिया सुरु भएको थियो। तत्कालिन प्रधानमन्त्री केपी शर्मा ओलीले शिलान्यास गरेको यो भवनको लागत भने पाँच अर्ब रुपैयाँ रहेको छ। निर्माणाधिन संसद भवन तयार नभएपनि तत्कालका लागि वैकल्पिक सभाकक्ष प्रयोग गरेर प्रतिनिधिसभा बैठक संचालन गर्ने संसद सचिवालयको तयारी छ। तत्कालका लागि नयाँ संसद् भवनभित्रको बहुउद्देश्यीय कक्षभित्र सांसदको शपथग्रहण तथा संसद् अधिवेशन सञ्चालन गर्न लागिएको हो । संसद् बैठक बस्ने मुख्य सभाकक्ष निर्माण हुन अझै समय लाग्ने भएकाले केही समयका लागि यो सभाकक्ष प्रयोग गर्न लागिएको हो ।
बहुउद्देश्यीय सभाकक्षमा अहिले कुर्सीको व्यवस्थापन सम्पन्न भइसकेको छ भने माइक, क्यामेरालगायत मिलाउने काम तीव्र गतिमा भइरहेको छ । सांसदको शपथ चैत १२ गते गराउने योजना अनुसार अस्थायी रूपमा नयाँ सभाकक्ष निर्माण गरिएको हो । निर्वाचनको अन्तिम मतपरिणाम सार्वजनिक भएको ३० दिनभित्र संसद्को अधिवेशन आह्वान गर्नुपर्ने संवैधानिक प्रावधान छ ।
नेपाली परम्परागत वास्तुकलाको प्रयोग गरेर निर्माण गरिएको नयाँ संसद भवन भित्र भने निकै प्रविधिमैत्री छ। सिंहदरबारको संसदीय परिसरमा १२ वटा भवन छन्। जसमध्ये अहिले ६ वटा भवन प्रयोगमा ल्याउन लागिएको छ।
काठमाडौं । प्रतिनिधिसभा निर्वाचनमा भएकाे हारकाे समीक्षा गर्न नेपाली कांग्रेसले केन्द्रीय कार्यसमितिको बैठक बोलाएको छ ।
पार्टीका कार्यवाहक मुख्यसचिव कृष्णप्रसाद दुलालका अनुसार बैठक मङ्गलबार दिउँसाे १ बजे पार्टी केन्द्रीय कार्यालय सानेपामा बस्नेगरी बाेलाएकाे हाे । बैठकमा निर्वाचनको पूर्ण समीक्षा हुने पनि बताइएकाे छ ।
यसअघि शुक्रबार र शनिबार बैठक बसेकाे थियाे । दुई दिने बैठकले सभापतिबाट गगन थापाले दिएकाे राजीनामा अस्वीकृत गर्याे । मङ्गलबार भने चुनावी समीक्षामा थापा पनि सहभागी हुने भएका छन् ।
‘बदलिएकाे काङ्ग्रेस’ काे नारा लिएर थापाकाे नेतृत्वमा चुनावमा गएकाे काङ्ग्रेसले लज्जास्पद हार बेहाेर्याे । थापा स्वयम् पराजित भए ।
यसपछि थापा पार्टीकाे सार्वजनिक कार्यक्रममा सहभागी भएका थिएनन् । मङ्गलबार भने बैठकमा सहभागी हुने भएका हुन् ।
