Author: nepalone

काठमाडौं । नवनिर्वाचित सांसदहरुले सपथ ग्रहण गरेका छन्। 

बिहिबार सिंहदरबार स्थित नवनिर्मित संसद भवनको वैकल्पिक सभाकक्षमा संसदका जेष्ठ सदस्य अर्जुन नरसिंह केसीले सपथ ग्रहण गराएका हुन्। 

केसीले बुधबार राष्ट्रपति कार्यालय शितलनिवासमा राष्ट्रपतिबाट सपथ ग्रहण गरेका थिए। 

तस्बिरहरु:

काठमाडौँ।  नवनिर्वाचित सांसदहरुको सपथ ग्रहण समारोह सम्पन्न भएको छ। 

आज सिंहदरबारस्थित आयोजित कार्यक्रममा जेष्ठ सदस्यको हैसियतले नेपाली कांग्रेसबाट निर्वाचित सांसद अर्जुन नरसिंह केसीले सांसदहरुलाई सपथ ग्रहण गराएका हुन्। 

अब भोली राष्ट्रिय स्वतन्त्र पार्टीका वरिष्ठ नेता बालेन्द्र शाह ‘बालेन’ ले प्रधानमन्त्रीको रुपमा पद तथा गोपनियताको सपथ लिनेछन्। 

काठमाडौं। प्रतिनिधिसभाका नवनिर्वाचित सांसदहरूले बिहीबार शपथ ग्रहण गर्दैछन्। शपथका लागि सांसदहरू प्रतिनिधिसभा भवनमा भेला हुने क्रम जारी छ, जहाँ केही सांसद आफ्नै संस्कृति झल्किने पहिरनमा उपस्थित भएका छन्।

शपथ ग्रहणको कार्यक्रम प्रतिनिधिसभाका ज्येष्ठ सदस्य अर्जुननरसिंह केसीले सञ्चालन गर्ने तय गरिएको छ। केसीलाई राष्ट्रपति रामचन्द्र पौडेलले बुधबार पद तथा गोपनीयताको शपथ गराएकाले अब उनी नै सभासद्‌हरूलाई शपथ गराउने जिम्मेवारीमा छन्।

शपथ समारोह सिंहदरबारस्थित नवनिर्मित बहुउद्देश्यीय हलमा आयोजना हुने भएको छ। संघीय संसद् सचिवालयका अनुसार ४७ सांसदले नेपालीबाहेक अन्य भाषामा शपथ लिन तयारी गरेका छन्, जसमा १७ जनाले मैथिली भाषामा शपथ लिनेछन्।

नेपालको संविधानको धारा ९९ र ९१ को उपधारा ५ तथा प्रतिनिधिसभा सदस्य निर्वाचन ऐन, २०७४ को दफा ७५ अनुसार सांसदहरूले पद तथा गोपनीयताको शपथ लिनुपर्ने व्यवस्था छ।

काठमाडौं।  भदौ २३ र २४ का घटनाबारे जाँचबुझ आयोगले तयार पारेको प्रतिवेदन सरकारले अझै औपचारिक रूपमा सार्वजनिक गरेको छैन । पूर्वन्यायाधीश गौरीबहादुर कार्कीको नेतृत्वमा बनेको आयोगले प्रतिवेदन बुझाइसकेपछि पनि सरकारले त्यसलाई सार्वजनिक नगरेको भन्दै आलोचना भइरहेको थियो। तर अहिले सो प्रतिवेदन बाहिरिएको छ।

प्रतिवेदनमा प्रधान सेनापति अशोकराज सिग्देलको बयान पनि समावेश गरिएको छ। बयानअनुसार सेनापति सिग्देलले भदौ २२ गते नै आन्दोलन व्यापक हुन सक्ने सूचना प्राप्त भएको बताएका छन्। उनले भनेका छन्, ‘भदौ २२ गते बसेको केन्द्रीय सुरक्षा समितिको बैठकमा राष्ट्रिय अनुसन्धान विभाग र अन्य सुरक्षा निकायबाट आन्दोलन व्यापक हुन सक्ने जानकारी प्राप्त भएको थियो। तर सो मितिसम्म राष्ट्रिय सुरक्षा परिषद्को औपचारिक बैठक नबसेकाले विशेष रणनीतिक छलफल हुन सकेको थिएन।”

उनका अनुसार भदौ २३ मा संसद भवन क्षेत्रको सुरक्षा अवस्था जटिल बन्दै गएपछि अघिल्लै निर्णयअनुसार अन्य सुरक्षा निकायसँग समन्वय गर्दै नेपाली सेनालाई आवश्यक तयारीका लागि निर्देशन दिइएको थियो। उनले थपे, “स्थानीय प्रशासनको अनुरोधमा कर्फ्यू कार्यान्वयनका लागि तैयार रहन मातहतलाई सचेत गराइएको थियो। सो दिन नेपाली सेना परिचालित थिएन र सुरक्षा व्यवस्था गृह मन्त्रालयको नेतृत्वमा नै अघि बढाइएको थियो।”

प्रधानसेनापति अशोकराज सिग्देलको बयान:

‘म २०४३ साल फागुन ३ गते नेपाली सेनामा प्रवेश गरी २०८१ भदौ २४ गतेदेखि प्रधान सेनापतिको जिम्मेवारी सम्हाल्दै आएको छु। राष्ट्रिय सुरक्षा परिषद्को सदस्यको हैसियतमा भदौ २३ र २४, २०८२ मा जियनजेड युवा पुस्ताद्वारा गरिएको प्रदर्शनका क्रममा उत्पन्न जटिल र विषम परिस्थितिमा मैले संविधान र कानूनको मर्मअनुसार आफ्नो दायित्व निर्वाह गरेको छु।

भदौ २२ गते बसेको केन्द्रीय सुरक्षा समितिको बैठकमा राष्ट्रिय अनुसन्धान विभाग तथा अन्य सुरक्षा निकायबाट आन्दोलन व्यापक हुन सक्ने जानकारी प्राप्त भएको थियो। तथापि सो मितिसम्म राष्ट्रिय सुरक्षा परिषद्को औपचारिक बैठक नबसेकाले विशेष रणनीतिक छलफल हुन सकेको थिएन।

भदौ २३ गते संसद भवन क्षेत्रको सुरक्षा अवस्था जटिल बन्दै गएपछि अघिल्लो निर्णयअनुसार अन्य सुरक्षा निकायसँग समन्वय गर्दै आवश्यक सुरक्षा तयारी गर्न निर्देशन दिएको थिएँ र स्थानीय प्रशासनको अनुरोधमा कर्फ्यू कार्यान्वयनका लागि तयार रहन मातहतलाई सचेत गराएको थिए। उक्त दिन नेपाली सेना परिचालन नभएको र गृह मन्त्रालयको नेतृत्वमा सुरक्षा व्यवस्था कार्यान्वयन भएको थियो।

भदौ २३ गते अन्दाजी २०:०० बजे प्रधानमन्त्री निवास बालुवाटारमा राष्ट्रिय सुरक्षा परिषद्‌को ३९ औं बैठक बस्यो। नेपाली सेना स्वतः सडकमा उनने संस्था होइनः संवैधानिक तथा कानूनी प्रक्रिया पूरा भई नेपाल सरकार मन्त्रिपरिषद्‌को सिफारिस र राष्ट्रपतिको निर्णयबाट मात्र परिचालन हुने व्यवस्था रहेको छ।

बैठक बस्दासम्म गृहमन्त्रीको राजीनामा भइसकेको, बन्द गरिएको सामाजिक सञ्जालमाथिको प्रतिबन्ध हटाइ सकिएको र आन्दोलनकारीका माग सम्बोधन हुने आकलन गरिएको अवस्थामा २४ गते विषम परिस्थिति उत्पन्न हुन सक्ने ठोस अनुमान नगरिएको हुँदा सेना परिचालनबारे कुनै निर्णय वा छलफल भएन।

भदौ २४ गते बिहान प्रधानमन्त्री निवासमा भएको छलफलमा प्रधानमन्त्रीले मसँग सुझाव माग्नुभयो। मैले दुई विकल्प प्रस्तुत गरे पहिलो, उहाँकै राजनीतिक दलका केही वरिष्ठ पदाधिकारीले राजीनामा दिन सुझाव दिइरहेको बुझिएको हुँदा थप मानवीय क्षति रोक्न राजनीतिक समाधानतर्फ जान राजीनामा उपयुक्त हुन सक्ने:

दोस्रो, संवैधानिक रूपमा सिफारिस भएमा नेपाली सेना परिस्थिति नियन्त्रणका लागि पूर्ण रूपमा तयार रहेको तर प्रधानमन्त्रीले राजीनामा दिएपछि सुरक्षा अवस्था झन् अराजक बन्दै गयो र नेपाली सेनाले क्रमशः विज्ञप्ति जारी गर्दै अपिल गन्यो तथा राति २२:०० बजेदेखि पूर्ण रूपमा तैनाथ भई शान्ति सुव्यवस्था बहाल गर्न सक्रिय भूमिका निर्वाह गन्यो।

सुरक्षा निकायहरूबीच समन्वयको अभाव रहेको आरोपलाई म अस्वीकार गर्दछु। तीनै सुरक्षा निकायका प्रमुखहरू निरन्तर सम्पर्क र संयुक्त छलफलमा थियौ र जोखिमपूर्ण अवस्थामा समेत नेपाली सेनाले अन्य सुरक्षा निकायका सदस्यहरूको सुरक्षा तथा उद्धार गरेको छ।

सिंहदरबार, राष्ट्रपति निवास, प्रधानमन्त्री निवास, त्रिभुवन अन्तर्राष्ट्रिय विमानस्थल, इन्धन डिपो कारागार तथा अन्य संवेदनशील संरचनाहरू जोगाउन नेपाली सेनाले अग्रसर भूमिका खेलेको छ, जहाँ मानवीय क्षति न्यून राख्न अत्यन्त संयमता अपनाइएको थियो। नेपाली सेना स्पष्ट कार्यादेिश र संवैधानिक प्रावधानबिना परिचालित हुँदैन भन्ने विषयमा सबै स्पष्ट हुन आवश्यक छ। नेपालको संविधानको धारा २६६ ११, २६७४६) र २७३ १ बमोजिम मात्र सेना परिचालन हुन सक्ने संवैधानिक व्यवस्था रहेको छ।

भदौ २४ गते नेपाली सेनालाई सहयोगका लागि अनुरोध गर्दा समयमा सम्बोधन नभएको भन्ने गुनासो सुन्नमा आएको भए पनि त्यो यथार्थ होइन नेपाली सेनाले दमकल प्रयोग गरी सिंहदरबारस्थित राष्ट्रिय डाटा सेन्टर तथा अर्थ मन्त्रालयको डाटा सेन्टरमा लागेको आगलागी नियन्त्रण गरेको हो।

साथै राष्ट्रपति निवास, प्रधानमन्त्री निवासका मुख्य संरचना, त्रिभुवन अन्तर्राष्ट्रिय विमानस्थल तथा देशभरका विमानस्थल, इन्धन डिपो, कारागार लगायतका Vital Installation हरू नेपाली सेनाको पहलमा जोगाइएको हो। सिंहदरबार र राष्ट्रपति कार्यालय परिसरबाहिर जम्मा भएका उत्तेजित भीडलाई मौखिक चेतावनी, करिब ४६ राउन्डभन्दा हवाई फायर र मूल गेटबाट पटक पटक भौतिक रूपमा धकेली सम्झाइबुझाइ गरी बाहिर पठाइएको थियो।

भदौ २४ गते बिहान ०५:०० बजेदेखि कर्फ्यू लगाउन नेपाली सेनाले सुझाव दिएको भए पनि काठमाडौमा बिहान ०८:३० बजेबाट मात्र कर्फ्यू घोषणा भयो, जतिबेला प्रदर्शनकारीहरूको उल्लेख्य उपस्थिति भइसकेकोले उक्त कर्फ्यू प्रभावकारी हुन सकेन।

मैले भौतिक संरचनाभन्दा पनि मानवीय सुरक्षालाई प्राथमिकता दिएको छ। सेना परिचालनसम्बन्धी आलोचनालाई तत्कालीन संवैधानिक बाध्यता र परिस्थितिसापेक्ष मूल्याङ्कनका आधारमा हेर्नुपर्छ भन्ने मेरो धारणा छ। लुटिएका हतियार तथा फरार कैदी बन्दी फिर्ता ल्याउन संयुक्त अपरेशन सञ्चालन गरिएको, हतियार फिर्ता बुझाउन सार्वजनिक आग्रह गरिएको र समन्वयात्मक सुरक्षा संयन्त्र सक्रिय राखिएको थियो।

अन्त्यमा, भविष्यमा यस्ता घटना दोहोरिन नदिन राज्यका प्रशासनिक तथा सुरक्षा संयन्त्रलाई राजनीतिक हस्तक्षेपबाट मुक्त राखी कानूनी आधारमा सुदृढ र प्रभावकारी बनाउनुपर्ने, राष्ट्रिय सुरक्षा परिषद्लाई अझ सक्रिय र जिम्मेवार बनाउनुपर्ने तथा सुरक्षा निकायहरूबीच गहिरो समन्वय र दीर्घकालीन संरचनागत सुधार आवश्यक रहेको मेरो निष्कर्ष रहेको छ।’

काठमाडौं । नेपाली बाहेक अन्य भाषामा शपथ लिन चाहने प्रतिनिधि सभा सदस्यको संख्या ६३ पुगेको छ।

संघीय संसद् सचिवालयका अनुसार यी सांसदहरूले इमेलमार्फत र भौतिकरूपमै उपस्थित भएर आफ्ना मातृभाषामा शपथ लिन इच्छा व्यक्त गरेका हुन्।

नवनिर्वाचित प्रतिनिधि सभा सदस्यहरूको पद तथा गोपनीयताको शपथ आज दिउँसो २ बजे तय गरिएको छ।
शपथ ग्रहण गराउने जिम्मेवारी प्रतिनिधि सभाका ज्येष्ठ सदस्य अर्जुननरसिंह केसीलाई दिइएको छ।

सचिवालयले सांसदहरूलाई निर्वाचन आयोगबाट प्रदान गरिएको प्रतिनिधि सभा सदस्यको प्रमाणपत्र, नेपाली नागरिकताको प्रतिलिपि र हालसालै खिचिएको पासपोर्ट साइजका दुई फोटो सहित तोकिएको समयभन्दा दुई घण्टा अगाडि उपस्थित हुन आग्रह गरेको छ।